КЕЛЕС АУДАНДЫҚ ҚОҒАМДЫҚ КЕҢЕС МҮШЕЛЕРІ КӘСІПКЕРЛІК ЖӘНЕ АУЫЛ ШАРУАШЫЛЫҒЫ БӨЛІМІНЕ ЖҮРГІЗІЛГЕН МОНИТОРИНГ БАРЫСЫНДА АТҚАРЫЛҒАН ЖҰМЫСТАР ЖАН-ЖАҚТЫ ТАЛҚЫЛАНДЫ.

Кездесу барысында ауданның ауыл шаруашылығы саласындағы даму барысы, өсімдік және мал шаруашылығы бағытындағы нәтижелер сөз болды. Сонымен қатар, егіс алқаптары, жылыжай шаруашылығының жағдайы және алдағы жоспарлар қаралды.

Сондай-ақ, ауыл шаруашылығы техникаларын жаңарту, су үнемдеу технологияларын енгізу және ағын сумен қамтамасыз ету мәселелері де назардан тыс қалған жоқ.

Шаруаларға берілетін несиелердің қолжетімділігі, мемлекеттік субсидиялар мен қолдау шаралары, сондай-ақ шаруа қожалықтарын ірілендірудің маңыздылығы мен «Ауыл аманаты» жобасы аясындағы жұмыстар да кеңінен сөз болды.

Мониторинг аясында «Ұлы Дала-2017» өндірістік кооперативіне барып, жұмысымен таныстық. Кооператив бау-бақша шаруашылығымен айналысады. Бүгінде 30 гектар аумақта шабдалы көшеттері егілген. Көшеттер Түркия Республикасынан әкелініп, әр түп көшетке мемлекет тарапынан субсидия қарастырылған. Сонымен қатар, тамшылатып суғару технологиясы тиімді қолданылып, су ресурстарын үнемдеу арқылы өнім сапасы мен өнімділігін арттыруға бағытталған жұмыстар жүргізілуде.

Жалпы, атқарылып жатқан жұмыстар ауыл шаруашылығы саласын дамытуға және ауыл тұрғындарының әл-ауқатын арттыруға бағытталған.

Фото

Previous Next