ТҰРАР РЫСҚҰЛОВ АУДАНЫНЫҢ МЕМЛЕКЕТТІК МЕКЕМЕЛЕРІНІҢ ҚЫЗМЕТТЕРІНЕ ҚОҒАМДЫҚ БАҚЫЛАУ ЖҮРГІЗІЛДІ

Жамбыл облыстық Қоғамдық кеңесінің мониторингтік тобы Т.Рысқұлов ауданы әкімдігінің сәулет және құрылыс бөлімі, автомобиль жолдары және жолаушылар көлігі бөлімі, ішкі саясат бөлімі, аудандық орталық аурухана, Құлан агротехникалық жоғары колледжінде көрсетілетін мемлекеттік қызметтерді, стратегиялық жоспарларды, бюджеттік бағдарламаларды іске асыруы нәтижесінде азаматтар үшін теріс салдарларды және қоғамдық мүдделерге қысым жасалуын анықтау мақсатында қоғамдық бақылау өткізді.

Жұмыс тобының мүшелері Р.Рахманбердиев, С.Сейітбеков, А.Төлебаев. Ә.Зәуірбеков, Ж. Орынбаева, Б.Бекмухамбетова,           Е. Жұмадилов аудан тұрғындарымен кездесіп, азаматтардың тиісті салаларға қатысты қоғамды маңызды сұрақтарын тыңдады.

Аудандық орталық ауруханада көрсетілетін мемлекеттік қызметтер сапасы зерделеніп, дәрігерлер қабылдауында кезекте тұрған азаматтарға аурухананың қызметтері туралы сұрақтар қойылды.

Қабылдауға келген 26 жастағы жүкті ана қан қысымымен тіркеуде тұрғанын, оған қажетті дәрі 6 мың теңге тұратынын, айына 18 мыңға алынатынын, дәрі тегін берілмейтінін айтып, дәріні тегін берілуіне ықпал етуді сұрады.

Топ мүшелері тегін берілетін дәрі-дәрмектер кезегінде тұрған азаматтар, дәрігерлер қабылдауына келген тұрғындармен ауруханада көрсетілетін медициналық қызметтер, емдеу шараларының сапасы жөнінде сұхбаттасу барысында тұрғындардың жалпы мекеменің қызметтер көрсету сапасына қанағаттану деңгейі жоғары екендігі байқалды.

Орталық аурухана басшылығы атап көрсеткендей, аудан тұрғындарына медициналық-санитариялық көмек бекітілген стандарттар талаптарына сай көрсетіледі. Алайда, ауруханаға күрделі жөндеу қажеттілігі, жөндеу жұмыстары 20 жылдан аса уақыт ішінде жүргізілмегені, 2025 жылы ЖСҚ 5 млрд. теңгеге әзірленуіне байланысты Қоғамдық кеңестің аурухананы күрделі жөндеуден өткізуге ықпал етуі жөнінде айтылды.

Ауыл шаруашылығына техникалық және кәсіптік білімді маманлар даярлау жүзеге асырылатын Құлан агротехникалық жоғары колледжі түлектерінің соңғы 3 жылғы жұмысқа орналасуы туралы құжаттары қаралды.

Білім беру ұйымының материалдық-техникалық базасын жаңғыртуға көрсетілген мемлекеттік қолдау нәтижесінде мамандар даярлау сапасы едәуір жоғарылағаны байқалады. 2026 жылы колледж серіктестері-демеушілер көмегімен SMART кабинеттер, баламалы энергия панельдері зертханалары жабдықталып, оқу үрдісінде тиімді қолданылуда.

Мониторингтік топ мүшелері тарапынан қоғамдық бақылау жүргізілген мекемелерде көрсетілетін мемлекеттік қызметтер сапасы, мемлекеттік бағдарламаларды іске асыру нәтижелері жөнінде қорытынды дайындалып, кеңес отырысында аталған мекемелердің қызметін жетілдіру жөнінде ұсынымдар берілетіні және тиісті мемлекеттік органдарға жолданатыны айтылды.

Фото

Previous Next