Жарқайың ауданының Қоғамдық кеңесі мүшелері мәслихат сессиясына қатысты

Ағымдағы жылдың 31 наурызында аудандық Қоғамдық кеңестің мүшелері аудандық мәслихаттың кезекті 65-ші сессиясына қатысты. Күн тәртібіндегі негізгі мәселе аудандық полиция бөлімі бастығының құқықтық тәртіптің жай-күйі, қылмысқа қарсы күрес және қоғамдық қауіпсіздікті қамтамасыз ету шаралары туралы есебі болды.
Сонымен қатар, депутаттар аудандық мәслихаттың бұрын қабылданған бірқатар шешімдеріне енгізілген өзгерістерді қарап, қолдады. Атап айтқанда: аудан әкімдігі жанындағы бюджеттік комиссияның құрамы өзгертілді; 2025–2029 жылдарға арналған жайылымдарды басқару жоспары толықтырылды; жер комиссиясының құрамы мен ережесі жаңартылды; тұрғын үй комиссиясының құрамы өзгертілді; кәмелетке толмағандардың істері және олардың құқықтарын қорғау жөніндегі комиссияның құрамы нақтыланды; құқық бұзушылықтардың алдын алу жөніндегі ведомствоаралық комиссияның жаңа құрамы бекітілді.

Фото

Previous Next