Қазкеңес жаңалықтары
KazKENES жаңалықтарыҚоғамдық кеңестің отырысы өтті
Бүгін Жарқайың ауданы Қоғамдық кеңесінің кезекті отырысы кеңес төрағасы Д. Шакировтың төрағалығымен өтті.
Отырысқа аудандық мәслихаттың төрағасы А. Әлжанов, Қоғамдық кеңес мүшелері, мемлекеттік мекемелердің басшылары, мемлекеттік қызметтерді көрсетуге талдау жүргізу жөніндегі бас инспектор, бас дәрігердің міндетін атқарушы орынбасары, психологиялық-педагогикалық түзету кабинеті директоры, сондай-ақ бұқаралық ақпарат құралдарының өкілдері қатысты.
Отырыс барысында әлеуметтік салаға қатысты өзекті мәселелер қаралды.
Бірінші мәселе әлеуметтік осал санаттағы азаматтар үшін, оның ішінде мүмкіндігі шектеулі жандар мен ауылдық елді мекендердің тұрғындары үшін мемлекеттік қызметтердің қолжетімділігіне арналды. Мемлекеттік қызметтердің басым бөлігі eGov порталы арқылы электрондық форматта, сондай-ақ жергілікті әкімдіктер арқылы көрсетілетіні атап өтілді. Сонымен қатар техникалық оңалту құралдарымен қамтамасыз ету, санаторий-курорттық емдеу, әлеуметтік көмек көрсету және үйде қызмет көрсету бойынша жүргізіліп жатқан жұмыстар туралы ақпарат ұсынылды.
Сондай-ақ қатысушылар әлеуметтік инфрақұрылым нысандарының қолжетімділік жағдайын талқылады. Ауданда мемлекеттік мекемелерді, білім беру ұйымдарын және мәдениет нысандарын мүмкіндігі шектеулі жандарға бейімдеу жұмыстары кезең-кезеңімен жалғасуда. Бұл бағыттағы жұмыстар 2026 жылы, оның ішінде кәсіпкерлік саласында да күшейтілетін болады.
Екінші мәселе бойынша әлеуметтік көмек көрсету қағидаларына өзгерістер енгізу жобасы қаралды. Негізгі назар әлеуметтік төлемдерді оңтайландыру мен біріздендіруге аударылды. Алушылардың болмауына байланысты бірқатар әлеуметтік қолдау шараларын алып тастау ұсынылды, сондай-ақ көмек алуға құқығы бар азаматтардың жекелеген санаттары нақтыланды. Әлеуметтік осал отбасылардан шыққан медициналық жоғары оқу орындарының студенттерін қолдау мәселесі де жеке қаралды.
Отырыс қорытындысы бойынша мемлекеттік қызметтердің сапасын арттыруға және халықты әлеуметтік қолдау жүйесін одан әрі жетілдіруге бағытталған ұсынымдар әзірленді.
Фото
