Жарқайың ауданының Қоғамдық кеңесі мүшелері аудандық мәслихаттың тұрақты комиссиясының отырысына қатысты

Жарқайың ауданы Қоғамдық кеңесінің мүшелері Жарқайың аудандық мәслихатының депутаттық өкілеттіктер мен әдеп, әлеуметтік сала және заңдылық мәселелері жөніндегі тұрақты комиссиясының отырысына қатысты.

Отырыс барысында «Аудан тұрғындарына мемлекеттік қызметтер көрсетудің тиімділігін арттыру туралы» мәселе қаралды. Аталған мәселе бойынша «Жарқайың ауданы әкімінің аппараты» ММ мемлекеттік қызметтер көрсету сапасын талдау бөлімінің бас инспекторы Алла Николаевна Лукашова-Шершнева баяндама жасады.

Өз баяндамасында ол мемлекеттік қызметтер көрсету бойынша негізгі көрсеткіштерді атап өтіп, бар проблемаларды айқындап, оларды шешу жолдарын ұсынды.

Мәселені қарау қорытындысы бойынша депутаттар тиісті қаулы қабылдады. Тұрақты комиссия халық арасында ақпараттық-түсіндіру жұмыстарын күшейтуді, ауылдық елді мекен тұрғындары үшін мемлекеттік қызметтердің қолжетімділігін қамтамасыз етуді, қызметкерлердің біліктілігін арттыруды, сондай-ақ қызмет алушыларға, оның ішінде мүмкіндігі шектеулі азаматтар мен егде жастағы адамдарға қолайлы жағдай жасауды ұсынды.

Сонымен қатар, жоспарлы көрсеткіштерге қол жеткізбеу себептеріне жан-жақты талдау жүргізу, мемлекеттік органдар басшыларының жеке жауапкершілігін күшейту және мемлекеттік қызметтердің сапасына халықтың қанағаттану деңгейін жүйелі түрде мониторингтеу ұсынылды.

Фото

Previous Next