Ерейментау аудан әкімінің жылдық есебі

2026 жылдың 2 ақпанда Н.Б. Маңдаевтың төрағалығымен кезекті Қоғамдық кеңес отырысы өтті. Кеңес отырысына Ерейментау ауданының әкімі Мұқатов Нұрлан Зияйденұлы қатысты.

Жиын барысында ауданның әлеуметтік-экономикалық дамуы, негізгі көрсеткіштер, сондай-ақ алдағы кезеңге жоспарланған маңызды жобалар кеңінен талқыланды.

Аудан әкімі Нұрлан Мұқатов өз сөзінде өңірде республика көлемінде ірі ет кластерін құру жобасын таныстырды. Аталған жоба ауыл шаруашылығы саласын дамытуға, мал шаруашылығы өнімдерін өңдеу көлемін арттыруға және жаңа жұмыс орындарын ашуға бағытталған.

Сонымен қатар, әкім фермерлерге арналған «Фермерлер үйі» жобасының жүзеге асырылуы туралы мәлімет берді. Бұл нысан Торғай ауылында салынбақ. Жоба фермерлерге бір жерде кеңес алу, құжаттарын рәсімдеу, мемлекеттік қолдау тетіктерімен танысу және тәжірибе алмасу мүмкіндігін ұсынатын болады.

Жиын қорытындысында Қоғамдық кеңес мүшелері көтерілген мәселелер бойынша өз пікірлерін білдіріп, ауданның тұрақты дамуына бағытталған ұсыныстарын ортаға салды.

Фото

Previous Next