Қазақстан Республикасының Конституциясы

2026 жылғы 6 ақпанда Ерейментау ауданы әкімдігінің акт залында Қазақстан Республикасының Конституциясының жаңа мәтінін талқылауға арналған аудан активінің жиыны өтті.

Жиынға Ерейментау ауданының әкімі Нұрлан Зияйденұлы Мұқатов ашып, жүргізді. Басқосуға аудандық Қоғамдық кеңес төрағасы мен мүшелері сондай-ақ, мәслихат төрағасы, мемлекеттік органдар мен мекемелердің басшылары, аудандық мәслихат депутаттары, прокуратура өкілдері және саяси партия филиалдарының басшылары қатысты.

Аудан әкімі өз сөзінде конституциялық реформаның ел дамуы үшін стратегиялық маңызын атап өтіп, жүргізіліп жатқан өзгерістер азаматтардың құқықтары мен бостандықтарын қорғауды күшейтуге, мемлекеттік басқару жүйесінің ашықтығы мен тиімділігін арттыруға бағытталғанын жеткізді. Сондай-ақ, реформаны халыққа жан-жақты түсіндіру мен кері байланысты қамтамасыз етудің маңыздылығына тоқталды.

Актив қорытындысы бойынша аудан тұрғындары арасында конституциялық реформа мәселелері бойынша ақпараттық-түсіндіру жұмыстарын күшейту, еңбек ұжымдарында, білім беру мекемелерінде және жастар арасында кездесулер өткізу, бұқаралық ақпарат құралдары мен әлеуметтік желілерде кеңінен жариялау жөнінде нақты тапсырмалар берілді.

Фото

Previous Next