Қоғамдық мониторинг

Ақтөбе облыстық Қоғамдық кеңесінің жоспары бойынша а.ж. 15 сәуірінде бюджет, экономика, өнеркәсіп және кәсіпкерлік жөніндегі комиссиясының кеңейтілген отырысында өңірдің бюджеттік кірістері мен шығыстарын талқылау жоспарланды. Қоғамдық кеңеске #2 Әлеуметтік қызмет көрсету орталығының директоры К. Байғазиннің қызметтік хаты түсіп, орталықтың жағдайын жақсарту, бюджеттен күрделі жөндеуге қаржы бөлу қажеттігі туралы ақпарат жеткізілді. Қызметтік хатқа сәйкес әлеуметтік орталыққа мониторинг жүргізу бойынша шешім қабылданды. Қоғамдық мониторинг кеңес мүшелері, облыстық экономика және бюджетті жоспарлау басқармасы, жұмыспен қамтуды үйлестіру және әлеуметтік бағдарламар басқармасының жауапты мамандарының қатысуымен жүргізілді. #2 Әлеуметтік қызмет көрсету орталығына жүргізілген қоғамдық мониторингдің алдын-ала қорытындысы:
1. Ғимараттың қасбеті түсіп, жарамсыз жағдайда;
2. Желдету құбырларының жұмысы талапқа сай емес;
3. Ғимараттың кәріз жүйесі ескірген;
4. Терезелер арнайы қорғау жүйесімен қамтылмаған;
5. Теплицалар салынып, көкөніспен қамтуға жағдай жасалған;
6. Орталықтың пациенттеріне барынша жағдай жасау үшін жұмыстар жүргізілуде.
Нақты ұсынымдар кеңейтілген отырыста талқыланып, жауапты басқармаларға жолданады.

Фото

Previous Next