"Таза Қазақстан" жалпыұлттық науқаны

“Таза Қазақстан” жалпыұлттық акциясына облыста 21 мыңнан астам адам қатысып, елімізді көгалдандыруға атсалысты. 
“Триатлон” паркінде өткен республикалық акцияға Ақтөбе облысы әкімі А. Шахаров басшылығымен өңірдегі барлық мекемелер және қоғамдық ұйымдар жалпыұлттық науқанға бірауыздан қатысты. Облыстық Қоғамдық кеңес мүшелері белсенділік көрсетіп, ағаш көшеттерін отырғызып, тазарту жұмыстарын жүргізді. Қоғам белсенділері көгалдандыру жұмысымен жоспарлы түрде айналысып келеді. 
Өңір бойынша акция аясында 1000 көшет отырғызылып, оның 500 көшеті “Триатлон” паркінде отырғызылды.
Ақтөбе облыстық Қоғамдық кеңес мүшелері көгалдандыру жұмыстарын жоспарлы түрде жүргізіп келеді. Атап айтсақ өңірдегі тарихи- мәдени және киелі ескерткіштердің бірі Шәкен ишан мешіті аумағында бірнеше сенбілік өткізіліп, ағаш көшеттері отырғызылды. Бұл шара жүйелі түрде жалғастырылады.

Фото

Previous Next