Біржан сал ауданы Қоғамдық кеңесі мүшелерінің назарында – ауданның білім беру саласының қазіргі жағдайы.

2026 жылғы 28 сәуірде Біржан сал ауданы Қоғамдық кеңесінің кезекті отырысы өтті.
         Қарауға ұсынылған негізгі мәселе – Біржан сал ауданындағы білім беру саласының жағдайы және оны одан әрі дамыту шаралары болды.

         Осы мәселе бойынша ақпаратпен Біржан сал ауданы білім бөлімінің басшысының міндетін атқарушы З. К. Сеитова баяндама жасады.
Зиягүл Қайырбекқызы өз ақпаратында атқарылып жатқан жұмыстар, міндеттер мен ауданның білім беру ұйымдарының алдында тұрған проблемалық мәселелерді жан-жақты баяндап өтті.

         Мәселені талқылауға Біржан сал ауданының санитариялық-эпидемиологиялық бақылау басқармасының басшысы М. Жанасхан және аудандық полиция бөлімінің қоғамдық қауіпсіздік бөлімінің бастығы Е. Е. Турмагамбетов қатысты.

         Отырыс барысында Қоғамдық кеңес мүшелері аталған мәселені белсенді түрде талқылап, аудандық білім бөлімі мен білім беру ұйымдары тарапынан білім беру саласын дамыту, сапалы білім алуға қажетті жағдайлар жасау, ұлттық және жалпыадамзаттық құндылықтар негізінде тұлғаны қалыптастыру, дамыту және кәсіби тұрғыдан жетілдіруге бағытталған белгілі бір жұмыстар жүргізіліп жатқанын атап өтті.

         Талқылау қорытындысы бойынша Қоғамдық кеңес тарапынан тиісті ұсынымдар берілді.

Фото

Previous Next