Маңғыстау облысының Қоғамдық кеңесі өңірдегі медициналық ұйымдарға мониторинг жүргізді

Ағымдағы жылдың 24 сәуір күні Маңғыстау облыстық Қоғамдық кеңесінің төрағасы Бекмұрат Қыдырбайұлының төрағалығымен кеңес мүшелері өңірдегі бірқатар медициналық ұйымдарға қоғамдық мониторинг жүргізді.

Атап айтқанда, мониторинг Маңғыстау облыстық көпбейінді ауруханасы мен Ақтау қалалық №2 емханасында өтті. Іс-шара Қазақстан Республикасының «Қоғамдық кеңестер туралы» Заңына сәйкес ұйымдастырылды.

Аурухана басшылығымен өткен кездесуде кеңес мүшелері өзекті мәселелерді көтеріп, көкейде жүрген сұрақтарын қойды. Ашық әрі мазмұнды диалог орнап, денсаулық сақтау саласындағы қызмет сапасын арттыру бағытындағы ұсыныстар айтылды.

Мониторинг барысында бірқатар проблемалық жайттар анықталды. Атап айтқанда, КТ аппаратының істен шығуына байланысты тұрғындардың емхана қызметіне жүгінуге мәжбүр екені белгілі болды.

Сонымен қатар, кеңес мүшелері жүрек ауруларын емдейтін бөлімнің жұмысымен танысты. Дәрігерлердің мәліметінше, бөлімшеде соңғы үлгідегі заманауи жапондық құрылғылардың көмегімен күрделі оталар жасалуда.

Қоғамдық кеңес тарапынан жүргізілген мониторинг нәтижелері тиісті ұсыныстар әзірлеуге және өңірдегі денсаулық сақтау жүйесін одан әрі жетілдіруге бағытталатын болады.

Фото

Previous Next