Қазкеңес жаңалықтары

Аудандық қоғамдық кеңестің кезектен тыс отырысы өтті.

Зайсан аудандық қоғамдық кеңестің кезектен тыс отырысы өтті.Қоғамдық кеңестің 15 мүшесінің 13 мүшесі отырысқа қатысты. Күн тәртібіндегі бірінші мәселе Зайсан аудандық жер қатынастары бөлімінің басшысы Қайрақбаев Еркін Қасенұлының “Зайсан ауданы бойынша конкурсқа ұсынылатын ауылшаруашылығы мақсатындағы жер учаскелерінің тізіміне келісім  беру” жөнінде мәселе қаралып ұсынылған 17 жер учаскесіне келісім берілді. Күн тәртібіндегі екінші мәселе
“Зайсан ауданы бойынша 2026 - 2030 жылдарға арналған жайылымдарды басқару және оларды пайдалану жөніндегі жоспарды бекіту туралы”
Зайсан аудандық жер қатынастары бөлімінің басшысы Қайрақбаев Еркін Қасенұлының хабарламасы тыңдалып, шешім жобасы мақұлданды. Күн тәртібіндегі келесі мәселе “Ауданда мемлекеттік жастар саясатын іске асыру бойынша атқарылып жаткан жұмыстар туралы”аудандық ішкі саясат бөлімінің бас маманы Д.Тобықтының ақпараты тыңдалып, аудандық қоғамдық кеңес мемлекеттік жастар саясатын іске асыруда барынша жұмыстар атқарылып жатқаны атап өтіліп, әліде мемлекеттік жастар саясатын орындауда аудандық жастар ұйымымен бірлесіп жастар арасында нақты жұмыстарды ұйымдастыру, яғни жастарды жұмыспен қамту және экономикалық белсенділікке, кәсіпкерлікке тарту, кәсіби білім алуына үнемі ықпал жасау, жастарды әлеуметтік қолдау, қоғамдық өмірге тарту, әсіресе жастардың бос уақытын тиімді пайдалануға нақты назар аудару ұсынылды. Күн тәртібіндегі “Аудан бойынша көктемгі егістікті өткізуге дайындық барысы туралы” аудандық кәсіпкерлік және ауылшаруашылығы бөлімінің басшысы Қ.Каримовтың ақпараты тыңдалды. Аудандық қоғамдық кеңес күн тәртібіндегі мәселені тыңдап, талқылай келе аудандық кәсіпкерлік және ауылшаруашылығы бөліміне көктемгі егіс жұмыстарын дер кезінде сапалы өткізуге барлық жағдайларды қарастырып, жоспарланған егіс көлемін толық игеруге нақты жұмыстар жүргізу ұсынылды. Сонымен қатар ауылшаруашылық тауар өндірушілерін сапалы тұқыммен, арзандатылған дизель отымен, қосымша бөлшектермен қамтамасыз етуде барлық мүмкіндіктерді пайдаланып, үнемі көмек көрсету басты назарда ұстау ескертілді.

Зайсан аудандық қоғамдық кеңестің ақпараттық орталығы.

Фото