Дәрі-дәрмекпен қамтамасыз ету туралы

Бүгін, Айман Оспанованың төрағалығымен өтке облыстық қоғамдық кеңестің білім беру, денсаулық сақтау, мәдениет және әлеуметтік қорғау мәселелері жөніндегі комиссиясының отырысында «Емханаларда диспансерлік есепте тұрған адамдарды дәрілік заттармен қамтамасыз ету туралы» мәселесі қаралды. Отырыс жұмысына облыстық қоғамдық кеңестің төрағасы Демеуов Бәкір, облыстың денсаулық сақтау басқармасы басшысының орынбасары Омарова Анар, «СҚ-Фармация» ЖШС Павлодар облысы бойынша өкілдігінің басшысы Энгель Татьяна және Павлодар, Ақсу және Екібастұз қалаларындағы емханаларының басшылары қатысты. Қоғамдық кеңестің мүшелері Бәкір Демеуов, Айнұр Мұхамедьярова, Юлия Петрусева, Саяхат Оразбек, Марина Стрелковская медициналық ұйымдарды дәрі-дәрмектермен, атап айтқанда, орфандық аурулары бар, қант диабеті, жүрек-тамыр жүйесі аурулары бар науқастарды, мүгедек науқастар мен төсек тартып жатқан науқастарды дәрі-дәрмектермен қамтамасыз ету мәселелеріне қызығушылық танытты. Дәрілік заттарды қаржыландыру және сатып алу мәселелеріне ерекше назар аударылды. Қазіргі уақытта амбулаториялық науқастарды дәрі-дәрмекпен қамтамасыз ету денсаулық сақтау жүйесінің асқынуларды азайтуға, ауруханаға жатқызудың алдын алуға және пациенттердің өмір сүру сапасын жақсартуға бағытталған негізгі бағыттарының бірі болып табылады. Сонымен қатар, тәжірибеде қосымша пысықтауды талап ететін жекелеген мәселелер аталуда, олардың ішінде: емделушілерді дәрілік заттармен уақтылы қамтамасыз ету; тегін медициналық көмектің кепілдік берілген көлемі бойынша жекелеген препараттардың болуы; стационар мен емхана арасындағы емдеу сабақтастығын сақтау; пациенттерді жеңілдікті дәрілік заттарды алу тәртібі туралы хабардар ету; дәрілік препараттардың логистикасы мен есебін оңтайландыру. Осы шараларды іске асыру амбулаториялық көмектің тиімділігін арттыруға, стационарларға жүктемені азайтуға және халық денсаулығының көрсеткіштерін жақсартуға мүмкіндік береді. Мәселені қарау барысында қоғамдық кеңес мүшелері өңірде халықты дәрілік заттармен және медициналық бұйымдармен қамтамасыз ету бойынша белгілі бір жұмыстар жүргізіліп жатқанын атап өтті. Алайда, өңірде жекелеген дәрілік препараттар мен медициналық бұйымдарды уақтылы жеткізбеуге, сондай-ақ қымбат емделуге мұқтаж пациенттер санының өсуіне байланысты проблемалар бар, бұл облыс тұрғындарының наразылығын тудырады. Өткізілген отырыстың қорытындысы бойынша халықты дәрі-дәрмекпен қамтамасыз етудің қолжетімділігі мен сапасын арттыру мақсатында облыстың денсаулық сақтау басқармасына, облыстың медициналық ұйымдарының басшыларына, «СҚ-Фармация» ЖШС-не ұсынымдар берілді. Бұл мәселе облыстық қоғамдық кеңестің бақылауында, осы мәселені қайта тыңдап-талқылау ағымдағы жылдың қыркүйек, қазан айларына тағайындалды.

Фото

Previous Next