Маңғыстау облысының Қоғамдық кеңесінің кезекті отырысы өтті

Ағымдағы жылдың 14 мамыр күні Маңғыстау облысы Қоғамдық кеңесінің төрағасы Жүсіпов Бекмұрат Қыдырбайұлының төрағалығымен кезекті кеңес отырысы өтті. Жиында өңірдің денсаулық сақтау саласындағы өзекті мәселелер мен 2026 жылдың І тоқсанындағы атқарылған жұмыстардың қорытындылары қаралды.

Кеңес отырысына облыстық денсаулық сақтау басқармасының өкілдері, Міндетті әлеуметтік медициналық сақтандыру қоры филиалының мамандары, Қоғамдық кеңес мүшелері және жауапты мекеме басшылары қатысты.

Отырыста медициналық ұйымдардың қызметі, ана мен бала денсаулығы көрсеткіштері, жедел медициналық көмек жұмысы, туберкулез және онкологиялық аурулардың алдын алу шаралары, кадр тапшылығы мен медициналық инфрақұрылымды дамыту бағытындағы жұмыстар талқыланды.

Сонымен қатар, денсаулық сақтау саласын жаңғырту аясында жаңа медициналық нысандардың құрылысы, заманауи медициналық құрал-жабдықтармен қамту, ауыл медицинасын дамыту және білікті мамандар тарту мәселелеріне ерекше назар аударылды.

Кеңес барысында міндетті әлеуметтік медициналық сақтандыру жүйесінің жүзеге асырылу барысы, халықты сақтандырумен қамту деңгейі, медициналық ұйымдарға жүргізілген мониторинг нәтижелері мен қаржылық бұзушылықтардың алдын алу бағытындағы жұмыстар қарастырылды.

Қоғамдық кеңес мүшелері саладағы өзекті мәселелер бойынша ұсыныстарын білдіріп, медициналық қызмет сапасын арттыру, халықпен кері байланысты күшейту және медициналық көмектің қолжетімділігін қамтамасыз ету бағытында бірқатар нақты ұсыныстар енгізді.

Жиын қорытындысы бойынша жауапты мекемелерге тиісті ұсынымдар беріліп, көтерілген мәселелер Қоғамдық кеңестің тұрақты бақылауында болатыны атап өтілді.

Фото

Previous Next