ҚОҒАМДЫҚ КЕҢЕС МҮШЕЛЕРІ ЕКІ МЕКЕМЕГЕ МОНИТОРИНГ ЖҮРГІЗДІ.

     Қоғамдық кеңес мүшелерінен құрылған комиссия бекітілген жұмыс жоспарына сәйкес «Азаматтарға арналған Үкімет» мемлекеттік корпорациясы» Келес аудандық әлеуметтік қамсыздандыру бөліміне және Келес ауданы әкімдігінің «Келес қызмет» КММ-не мониторинг жүргізу мақсатында барды.

         Жұмыс барысында аталған мекемелердің 2025 жылы және 2026 жылдың І тоқсанында атқарған жұмыстары зерделенді.

Атап айтқанда, әлеуметтік қамсыздандыру бөлімінде мемлекеттік қызмет көрсету сапасы, азаматтардың өтініштерімен жұмыс жүргізу тәртібі, зейнетақы және әлеуметтік төлемдердің тағайындалуы, сондай-ақ электрондық қызметтердің іске асырылуы бойынша мәліметтер қаралды.

        Ал «Келес қызмет» КММ-де аудан аумағындағы коммуналдық қызмет көрсету сапасы, абаттандыру және санитарлық тазалық жұмыстары, тұрғындардан түскен өтініштермен жұмыс және атқарылып жатқан іс-шаралар талқыланды.

        Комиссия мүшелері көтерілген мәселелер бойынша тиісті ақпарат алып, мемлекеттік қызмет көрсету сапасын арттыру, ашықтықты қамтамасыз ету және халықпен кері байланысты күшейту бағытында ұсыныстар берді.

Фото

Previous Next