ТКШ бөлімінің мамандары Қоғамдық кеңестің төрағасы Қайрат Смайыловпен бірлесіп №3 және №4 шағын аудандарда мердігер ұйымдардың жұмысына кезекті мониторинг жүргізді

ТКШ бөлімінің мамандары Қоғамдық кеңестің төрағасы Қайрат Смайыловпен бірлесіп №3 және №4 шағын аудандарда мердігер ұйымдардың жұмысына кезекті мониторинг жүргізді.
Аталған шағын аудандарда қатты тұрмыстық қалдықтарды контейнер алаңдарынан ТОО «Ұлытау ЭКОСЕРВИС» күн сайын шығарады. Ал алаңдар маңындағы ірі көлемді қоқысты ТОО «ПМК-2011» бекітілген кестеге сәйкес аптасына бір рет тазартады. Балалар ойын және спорт алаңдарын, сондай-ақ аула аумақтарын тазалау жұмыстарын «Экологиялық туризм «Нұрмейірім» қоғамдық ұйымы атқарады.
Сонымен қатар тұрғын үйлерге қызмет көрсететін ұйымдар – ПИК, басқарушы компаниялар немесе МИБ (мүлік иелерінің бірлестігі) – әр үйдің айналасындағы 5 метр радиустағы аумақтың тазалығына жауапты.
Мониторинг барысында алаңдарды тазалау жұмыстарына қатысты елеулі кемшіліктер анықталған жоқ. Дегенмен тұрғындар ТКШ бөлімі мамандарына тек жұмыстың орындалуын ғана емес, оның сапасын да қадағалауды күшейтуді, әсіресе балалар ойын және спорт алаңдарын орнату кезінде қолданылатын құрылғылардың сапасына ерекше назар аударуды ұсынды.
Сонымен қатар алаңдағы жабдықтардың сақталуы тек мердігерлерге ғана емес, тұрғындардың өздеріне де байланысты екендігін атап өткен жөн. Ата-аналар балаларға ойын және спорт элементтерін дұрыс пайдалану ережелерін түсіндіруі қажет, себебі шамадан тыс жүктеме олардың тез бұзылуына әкеледі.
Алдағы уақытта мердігер ұйымдардың жұмысына бақылау жалғасады. Тұрғындардан келіп түсетін ұсыныстар мен ескертулер ескеріліп, қалалық ортаны көркейту және тұрғындарға жайлы жағдай жасау бағытындағы жұмыстар жүйелі түрде жүргізілетін болады.

Фото

Previous Next