Кезекті мониторинг жұмыстары

Қалалық Қоғамдық кеңестің төрағасы Қайрат Смайлов пен учаскелік полиция инспекторларының қатысуымен мердігер ұйымдардың жұмысына кезекті мониторинг «Жеңіс» саябағында, сондай-ақ 15А және 22 кварталдарда өткізілді.
Тексеру барысында саябақта жұмыс жүргізген мердігерлерге жұмыс аяқталғаннан кейін қалдырылған қоқыс үшін ескертулер жасалды. Осы аумақта қалдықтар жиналатын болады және осыған байланысты жұмыстар ағымдағы жұмыс аптасының соңына дейін жалғасады.
Аталған кварталдардың аулаларында қатты тұрмыстық қалдықтар контейнерлік алаңдардан шығарылғаны, контейнерлердің бос екені анықталды. Алайда тұрғындар қоқысты әрдайым контейнерлерге дейін жеткізбей, пакеттерді подъездердің маңына қалдырады.
Балалар ойын алаңдары жалпы тазаланған, алайда ішінара жөндеуді қажет етеді. Балалар және спорт алаңдарының санитарлық жағдайына жауапты мердігер ұйымға тұрғын аймақтың бүкіл аумағында, тұрғын үйлерден 5 метр радиустан тыс жерде қоқыс жинау жұмыстары санитарлық қызметтің құрамына кіретіні ескертілді.
Мониторингтік рейдтер жалғасады.

Фото

Previous Next