Мердігер ұйымдардың жұмысына мониторинг жүргізілді

№5 шағын ауданында Қоғамдық кеңестің төрағасы Қайрат Смайловтың, қалалық мәслихат депутаты Еркебұлан Балмұқанның және учаскелік полиция инспекторының қатысуымен мердігер ұйымдардың жұмысына мониторинг жүргізілді.
Тексеру барысында аумақтың санитарлық жағдайына, тұрмыстық қатты қалдықтар мен ірі габаритті қалдықтарды уақтылы жинап шығаруға, аулалардағы құрғақ ағаштарды кесіп-тазалауға, сондай-ақ балалар ойын және спорт алаңдарының жай-күйіне ерекше назар аударылды.
2025 жылы орнатылған балалар алаңдары кепілдік міндеттемелері шеңберінде жөнделетін болады. Қалған нысандар бойынша конкурстық рәсімдер өткізілді: мердігер анықталып, оған жөндеу мен қалпына келтіруді қажет ететін алаңдардың тізімі жіберілді.
Рейд қатысушылары сондай-ақ балалармен түсіндіру жұмыстарын жүргізудің маңыздылығын атап өтті – ойын жабдықтарына ұқыпты қарау және алаңдарды пайдалану ережелерін сақтау нысандарды тиісті күйде сақтауға және балалардың қауіпсіздігін қамтамасыз етуге мүмкіндік береді.
Рейд қорытындысы бойынша мердігер ұйымдарға анықталған кемшіліктерді жою туралы тапсырмалар берілді, ал жұмыстардың орындалуы жауапты қызметтер мен қоғамдастықтың бақылауында болады.
 

Фото

Previous Next