Сырдария аудандық Қоғамдық кеңесінің кезекті отырысы өтті.

Бүгін Қоғамдық кеңестің кезекті отырысы кеңес төрағасы М. Еспенбетовтың төрағалығымен өтті.

Күн тәртібінде келесі мәселелер қаралды:

1. «2025–2027 жылдарға арналған аудандық бюджет туралы» Сырдария аудандық мәслихатының 2024 жылғы 23 желтоқсандағы №159 шешіміне өзгерістер енгізу туралы» Сырдария аудандық мәслихаты шешімінің жобасы туралы Сырдария ауданы әкімдігі қаулысының жобасы.

2. «2025 жылға Сырдария ауданының ауылдық елді мекендеріне жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, сондай-ақ ауылдар, кенттер, ауылдық округтер әкімдері аппараттарының мемлекеттік қызметшілеріне әлеуметтік қолдау шараларын ұсыну туралы» Сырдария аудандық мәслихаты шешімінің жобасы.

3. «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» Сырдария аудандық мәслихатының 2023 жылғы 4 қыркүйектегі №54 шешіміне өзгеріс енгізу туралы» шешім жобасы.

Күн тәртібіндегі бірінші және екінші мәселелер бойынша Сырдария аудандық экономика және қаржы бөлімінің басшысы Ахетов Ерлан Дауітбекұлы баяндама жасады.

Үшінші мәселе бойынша Сырдария аудандық жұмыспен қамту және әлеуметтік бағдарламалар бөлімінің басшысы Есмағанбетова Айнұр Амантайқызы хабарлама жасады.

Кеңес төрағасы мен кеңес мүшелері баяндамашыларға сұрақтар қойып, тиісті жауаптарын алды.

Қаралған мәселелер бойынша баяндамалар назарға алынып, ұсынылған шешім жобалары Қоғамдық кеңес мүшелері тарапынан бір ауыздан келісіліп, мақұлданды.

Фото

Previous Next