СЫРДАРИЯ АУДАНДЫҚ ҚОҒАМДЫҚ КЕҢЕСІНІҢ ЖАҢА ҚҰРАМЫ БЕКІТІЛДІ

Сырдария аудандық мәслихаты аппаратының мәжіліс залында Сырдария аудандық Қоғамдық кеңесінің отырысы өтті.

Жиында Сырдария аудандық мәслихатының төрағасы Ержан Ертарғынұлы Әжікенов төрағалық етіп, Сырдария аудандық мәслихатының 2025 жылғы №02-1-01 шешімімен бекітілген Сырдария аудандық Қоғамдық кеңесінің жаңа құрамын таныстырды. Кеңес мүшелеріне тиісті куәліктер табысталды.

Қоғамдық кеңес мүшелерінің ұсынысымен ашық дауыс беру арқылы Қоғамдық кеңестің төрағасы болып бірауыздан Маратбек Нағымұлы Еспенбетов сайланды.

Одан әрі Маратбек Нағымұлының төрағалығымен күн тәртібіне сәйкес Қоғамдық кеңестің Ережесі қаралып, комитет төрағалары мен мүшелері бекітілді.

Жаңадан сайланған кеңес төрағасы Маратбек Нағымұлы өзіне сенім білдіріп, қолдау көрсеткен кеңес мүшелеріне алғысын айтып, алдағы уақытта бірлесіп нәтижелі жұмыс атқаруға дайын екенін жеткізді. Сондай-ақ, Қоғамдық кеңестің жаңа құрамына сәттілік тілеп, алдағы жұмыстарына табыс тіледі.

Фото

Previous Next