ҚОҒАМДЫҚ КЕҢЕСТІҢ КЕЗЕКТЕН ТЫС ОТЫРЫСЫ ӨТТІ

«Қазақстан Республикасындағы Қоғамдық кеңестер туралы» Қазақстан Республикасының Заңына сәйкес, Қоғамдық кеңес отырысы шақырылып, аудандық Қоғамдық кеңестің отырысы өтті.

Кеңес отырысына «ZOOM» бейне байланыс арқылы ҚР Мемлекеттік қызмет істері Агенттігінің Қызылорда облысы бойынша департаментінің Мемлекеттік қызмет көрсету басқармасының бас маманы Марат Айтхожа, аудандық қоғамдық кеңесінің мүшелері, тиісті сала басшылары қатысты.

Күн тәртібінде бірінші және екінші мәселелер мемлекеттік қызмет көрсету барысында туындайтын сұрақтар, оларды шешу жолдары және көрсетілетін қызметтердің сапасын арттыру және «Мемлекеттік тұрғын үй қорынан тұрғынжайды (коммуналдық тұрғын үй қорынан) пайдаланған үшін төлемақы мөлшерін белгілеу туралы» Сырдария ауданы әкімдігінің 2022 жылғы 2 тамыздағы №205 қаулысына өзгеріс енгізу туралы қаулы жобасы бойынша Сырдария аудандық тұрғын үй-коммуналдық шаруашылық көлігі және автомобильдер жолдары бөлімінің басшысы Бақытжанұлы Мейірхан хабарлама жасады.

Күн тәртібіндегі үшінші мәселе 2024 жылғы Сырдария аудандық бюджетінің атқарылуы туралы жылдық есеп бойынша Сырдария аудандық экономика және қаржы бөлімі басшысының міндетін атқарушы Г.Жансултанова хабарлама жасады.

Кеңес төрағасы М.Еспенбетов пен кеңес мүшелері хабарламашыларға өз ұсыныс-пікірлерін жеткізіп, сұрақтарын жолдады. Мекеме басшылары атқарылған жұмыстар мен алдағы жоспарлар туралы баяндады. Кеңес төрағасы М.Еспенбетов кеңес мүшелеріне отырысқа толық құрамда қатысу керектігін айтып, бірлесе жұмыс істеуге шақырды. 

Кеңес отырысы соңында қоғамдық кеңес жанындағы комитет төрағаларымен бірлесе жылдық жоспар жобасы талқыланып, алдағы жұмыс бағыттары нақтыланды.

Фото

Previous Next