Шымкент қаласы Қоғамдық кеңесінің кезекті отырысы өтті.

Шымкент қаласы Қоғамдық кеңесінің кезекті отырысы өтті.

Жиынды Қоғамдық кеңес төрағасы Бұхарбай Рысқұлұлы Парманов ашып, жүргізді.

Күн тәртібіне сәйкес Қаратау ауданының әкімі Алмас Емелтайұлы Абаевтың, Шымкент қаласы қаржы басқармасының басшысы Руслан Бақтыбекұлы Бақтыбаевтың, жолаушылар көлігі және автомобиль жолдары басқармасының басшысы Ролан Бегмахамбетұлы Ибрагимовтың, сондай-ақ мәдениет, тілдерді дамыту және архивтер басқармасының басшысы Бауыржан Орынбасарұлы Орынтаевтың баяндамалары тыңдалды.

Қаратау ауданының аумағы - 19 500 га, халық саны - 331 мыңнан астам. Аудан аумағында - 19елді мекен орналасқан. Көшелер саны – 896, жекетұрғын үйлер саны – 32 мыңнан астам, көп қабатты үйлер саны – 668құрайды. 2025 жылы аудан көлемінде жоспарға сәйкес бірқатар ауқымды жұмыстар жүйелі түрде жүзеге асырылды. 2026 жылдың басты басымдықтарының бірі – ауданның инфрақұрылымдық әлеуетін арттыру және тұрғындардың өмір сүру сапасын жақсарту болып табылады.

2025 жыл басында қала бюджеті 806,5 млрд.теңгеге бекітіліп жыл соңына дейін3 рет нақтыланып 10%-ға артып 891,5 млрд.теңгені құрады.

Оның ішінде: табыс салығы 9,5 млрд.теңгеге, акциздер 48,8 млрд.теңгеге, әкімшілік айыппұл 12,1млрд.теңгеге, жерді сату 2,9 млрд.теңгеге ұлғайтылған.

Қалада көлік инфрақұрылымын кешенді дамыту бағытында ұзындығы

36,3 шақырымды құрайтын 13 ірі жобалар іске асырылуда. Ағымдағы жылы

25,7 шақырым 9 нысан пайдалануға беру жоспарлануда.

Атап айтсақ:

- Қонаев даңғылының жалғасының құрылысы –ұзындығы

16,3 шақырым. Қазіргі таңда, 5-кезенінің құрылысы жүргізілуде.

- А-2 автомобиль жолын қайта құру – жалпы ұзындығы

28,2 шақырым, 8 кезеңнен тұрады. Қазіргі таңда 5,7 кезеңдерінің құрылысы

жүргізілуде.

- Бәйдібек би және Төлеметов көшелерінің қиылысындағы

жолайырығын салу;

- Әуежайдың ұшу-қону жолағын салу.

Сонымен қатар, көлік кептелістері мен қолданыстағы жолдарға балама

жол ретінде Алтынсарин, Ақсүмбе, Қазиев көшелерінің жалғасы, Шұбаркөл

көшесі, Алатау батыр – Абылайхан көшесін қосу, Е. Исрайлов (Қапал

батыр көшесіне дейін) көшесін қайта құру, Момынов және Тіленшин

көшелеріндегі теміржол өткелдерінің құрылыстары іске асырылуда.

Бүгінде Шымкент қаласының мәдениет, тілдерді дамыту және архивтер басқармасына қарасты 22 мәдениет ұйымы қала тұрғындары мен қонақтарына тұрақты түрде қызмет көрсетуде.

Олардың қатарында 7 театр, 6 кітапхана, Музейлер бірлестігі, Шымкент циркі, Зоологиялық саябақ, Концерттік ұйымдар, мемлекеттік архив, Тілдерді оқыту әдістемелік орталығы, Әдет-ғұрып және салт-дәстүр орталығы, сондай-ақ Мәдени іс-шараларды ұйымдастыру дирекциясы бар.

Мекемелердегі штат саны – 2588адамды құрайды.

Жиын барысында кеңес мүшелері тарапынан мемлекеттік орган басшыларына сұрақтар қойылып, тиісті салалардағы жұмыстарды жетілдіруге бағытталған ұсыныстар мен пікірлер айтылды.

Фото

Previous Next