ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСТІҢ ОТЫРЫСЫ

Төлеби аудандық Қоғамдық кеңесінің кезекті отырысы өтті. Жиынды кеңес төрағасы Әбдісаттар Әбдіхалықов ашып, жүргізіп отырды.

Бірінші мәселе бойынша Төлеби аудандық экономика және қаржы бөлімінің басшысы Мансұр Ашрапов Төлеби аудандық мәслихатының 2025 жылғы 24 желтоқсандағы №31/184-8 «2026-2028 жылдарға арналған аудандық бюджет туралы» шешіміне өзгерістер енгізу жөнінде хабарлама жасады. Кеңес мүшелері өз ұсыныстарын білдіріп, алдағы отырыста нақты қаржылық көрсеткіштерді цифр түрінде қолға ұсынуды сұрады және осы мәселе ашық дауысқа қойылып оң қорытынды келісім берілді.

Екінші мәселе бойынша Қаратөбе ауылдық округі әкімінің орынбасары Болат Жаркинбеков ауылдық округте мемлекеттік бағдарламалардың орындалуы және кәсіпкерлік-шаруашылық бағытында атқарылып жатқан жұмыстардың барысы туралы баяндама жасады. Кеңес мүшелері өз пікірлерін айтып, бірқатар сын-ескертпелер мен ұсыныстарын жеткізді. Қабылданған хаттамалық шешімдер мен ұсынымдар Қаратөбе ауылдық округі әкімдігіне жолданып, көтерілген мәселелер бойынша нақты жауаптар беру ұсынылды.

Сондай-ақ жиында Төлеби ауданы әкімінің орынбасары Ғалымжан Төлегенов ауданда атқарылып жатқан жұмыстар мен алдағы жоспарлар жөнінде ақпарат беріп, пікір алмасты. Аққұм–Көксәйек ауылдары бағытында салынып жатқан автомобиль жолының сапасы мен құрылыс жұмыстарының барысын түсіндіріп, бұл мәселе тұрақты бақылауда екенін де атап өтті.

Фото

Previous Next