Қазақстан Республикасы Туризм және спорт министрлігінің Қоғамдық кеңесінің назарында – әлеуметтік әріптестік, еңбек құқықтарын қорғау және лудоманияның алдын алу

Отырыс барысында Спорт және дене шынықтыру істері комитеті төрағасының орынбасары Аманбай Нұрмұханбетов Министрлікке ведомстволық бағынысты ұйымдардағы әлеуметтік әріптестікті дамыту мәселелері туралы ақпарат ұсынды. Оның айтуынша, 18 ұйымның 14-інде ұжымдық шарттар жасалған, ал кәсіподақ мүшелерінің саны 1 781 қызметкерді құрайды.

Құмар ойын бизнесі мен лотерея қызметі саласындағы мемлекеттік реттеу шаралары туралы Ойын бизнесін және лотереяны реттеу комитеті төрағасының орынбасары Ғалымжан Мұстафаев баяндады. Спикер отырыс қатысушыларын 2024–2026 жылдарға арналған заңсыз ойын бизнесі мен лудоманияға қарсы іс-қимыл жөніндегі кешенді жоспардың іске асырылу барысы, сондай-ақ құмар ойын бизнесі субъектілеріне қатысты жүргізіліп жатқан бақылау іс-шаралары туралы хабардар етті.

Қоғамдық кеңес мүшесі, «Қазақстандық салалық мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің төрағасы, Қоғамдық кеңестің мүшесі Светлана Иманқұлова қызметкерлердің әлеуметтік-еңбек құқықтарын қорғау, құқықтық қолдау көрсету және әлеуметтік әріптестік тетіктерін нығайту бағытындағы кәсіподақтардың қызметі туралы баяндама жасады.

Қоғамдық кеңес мүшелері ұсынылған баяндамаларды талқылап, саланың өзекті мәселелері бойынша пікір алмасты және мемлекеттік органдардың, қоғамдық институттар мен кәсіподақ ұйымдарының өзара іс-қимылын одан әрі жетілдіруге бағытталған бірқатар ұсыныстар енгізді.

Отырыс қорытындысы бойынша әлеуметтік әріптестікті дамыту, қызметкерлердің еңбек құқықтарын қорғауды қамтамасыз ету, сондай-ақ заңсыз ойын бизнесі мен ойынға тәуелділікке қарсы іс-қимыл шараларының тиімділігін арттыру бағытындағы бірлескен жұмысты жалғастырудың маңыздылығы атап өтілді.

Фото

Previous Next