Ұлытау облысы Қоғамдық кеңесінің төрағасы Бауыржан Бегенов, әлеуметтік сала жөніндегі комиссияның төрағасы Аяна Мүкеева Жезді және Қарсақпай кенттеріне жұмыс сапарымен барып, өңірде жүзеге асырылып жатқан бірқатар жобалардың орындалу барысымен таныст

Сапар барысында Жезді және Қарсақпай кенттерінде құрылысы аяқталған ветеринариялық мал егу бекеттері, Қарсақпай кентінде салынып жатқан тұрғын үйлердің құрылысы, сондай-ақ ұзындығы 50 шақырымнан асатын автомобиль жолының құрылыс жұмыстары қаралып, олардың сапасы мен орындалу барысына қоғамдық бақылау жүргізілді.

Іс-шараға Ұлытау облысының ветеринария басқармасының басшысы Абусағит Әбдікеров, Ұлытау облысының жолаушылар көлігі және автомобиль жолдары басқармасы басшысының орынбасары Ерлан Түсіпов, сондай-ақ мердігер ұйымдардың өкілдері қатысты.

Қоғамдық кеңес мүшелері нысандарды аралау барысында мердігер ұйымдар мен жауапты мемлекеттік органдар өкілдерінің есептерін тыңдап, құрылыс жұмыстарының сапасы, мерзімі және жобалардың орындалу барысына қатысты бірқатар ұсыныстар мен ескертулер айтты. Сонымен қатар, барлық жұмыстардың қолданыстағы талаптар мен бекітілген кестеге сәйкес аяқталуы қажеттігін атап өтті.

Қоғамдық кеңес алдағы уақытта да өңірдегі әлеуметтік және инфрақұрылымдық жобалардың жүзеге асырылуына қоғамдық бақылауды тұрақты түрде жалғастыратын болады.

Фото

Previous Next