ҚОҒАМДЫҚ МОНИТОРИНГ ҚОРЫТЫНДЫСЫМЕН ДЕНСАУЛЫҚ САҚТАУ САЛАСЫ, ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРЫ САЛАСЫНДА КӨРСЕТІЛЕТІН МЕМЛЕКЕТТІК ҚЫЗМЕТТЕР САПАСЫН АРТТЫРУ ЖӨНІНДЕ ҰСЫНЫСТАР ҚАБЫЛДАНДЫ

Жамбыл облыстық Қоғамдық кеңестің мониторингтік топ мүшелері наурыз-мамыр айларында Тараз қаласы және 10 аудандар бойынша денсаулық сақтау саласы, жолаушылар көлігі және автомобиль жолдары саласына жүргізген қоғамдық мониторинг қорытындысы кеңес отырысында тыңдалды.

Аталған салаларда мемлекеттік қызметтерді көрсету барысында анықталған азаматтар үшін жағымсыз салдарды жою жөніндегі ұсынымдарды кеңес мүшелері отырысқа арнайы шақырылған денсаулық сақтау басқармасы басшысы С.Назарбек және жолаушылар көлігі және автомобиль жолдары басқармасының басшысы М.Саурықов қатысуымен жан-жақты талқылады.

Отырыста мониторинг қорытындысымен аудандық және қалалық ауруханаларды күрделі жөндеуден жүргізуді қарастыру, медициналық техникамен жабдықтау, кадрлар жетіспеушілігін шешу туралы, автомобиль жолдарына ағымдық және күрделі жұмыстар жүргізу сапасын бақылауды күшейту, аялдамаларды орналастыру талаптарын сақтау туралы ұсынымдар қабылданды.

Қоғамдық кеңесте қабылданған ұсынымдар тиісті мемлекеттік органдардың қарауына жіберіледі және кеңес Төралқасы тарапынан ұсынымдардың орындалуына мониторинг жүргізілетін болады.

Фото

Previous Next