«Азаматтарға арналған үкімет» мемлекеттік корпорациясы» КЕАҚ-ның Ақмола облысы бойынша филиалында Қоғамдық кеңес мүшелерінің қатысуымен жұмыс кездесуі өтті

2026 жылғы 10 шілдеде «Азаматтарға арналған үкімет» мемлекеттік корпорациясы» КЕАҚ-ның Ақмола облысы бойынша филиалында мемлекеттік қызмет көрсету сапасын арттыру және Мемлекеттік корпорация қызметін жетілдіру мәселелеріне арналған қоғамдық өкілдердің қатысуымен жұмыс кездесуі өтті.

Іс-шараға Ақмола облысы Қоғамдық кеңесінің аграрлық мәселелер, экология, инновациялық даму және тұрғын үй-коммуналдық шаруашылық жөніндегі комиссиясының мүшелері Рахметулина Б.С., Шуль В.Л. және Ахетова А.К. қатысты.

Кездесу барысында қатысушылар халықтың цифрлық дағдыларын дамыту, азаматтарға қызмет көрсету сапасын арттыру, сондай-ақ Мамандандырылған халыққа қызмет көрсету орталығына келіп түсетін өзекті өтініштерді қарастырды. Сонымен қатар мемлекеттік қызметтердің қолжетімділігін кеңейту, халыққа ұсынылатын сервистерді жетілдіру және қызмет көрсету үдерістерін одан әрі цифрландыру мәселелеріне ерекше назар аударылды.

Кездесу қорытындысы бойынша қатысушылар пікір алмасып, мемлекеттік қызметтердің сапасын одан әрі арттыруға, азаматтармен өзара іс-қимыл тетіктерін жетілдіруге және халыққа бағдарланған қызмет көрсету қағидаттарын дамытуға бағытталған бірқатар ұсыныстар енгізді.

Фото

Previous Next