Қоғамдық кеңестің кезекті отырысы

Қоғамдық кеңестің кезекті отырысы

Жамбыл ауданы Қоғамдық кеңесі Президиумының мүшесі Г.Қ. Жаңбыршинаның төрағалығымен Қоғамдық кеңестің кезекті отырысы өтті.

Отырыс жұмысына Қоғамдық кеңес мүшелері, аудан мәслихатының төрайымы Л.В. Топорова, мемлекеттік органдардың өкілдері, оның ішінде Қазақстан Республикасы Мемлекеттік қызмет істері агенттігінің Солтүстік Қазақстан облысы бойынша департаментінің Мемлекеттік қызметтер басқармасының бас маманы Ә.О. Әубәкірова, аудан әкімі аппаратының бас маманы Р.Б. Асайынов, сондай-ақ бұқаралық ақпарат құралдарының өкілі қатысты.

Отырыс барысында келесі негізгі мәселелер қаралды:

– Аудан әкімдігінің ауыл шаруашылығы, кәсіпкерлік және ветеринария бөлімі 2025 жылғы және 2026 жылғы I тоқсанда мемлекеттік қызметтер көрсету сапасы.

Аталған мәселе бойынша бөлім басшысы Р.Ж. Дүйсембеков баяндама жасады.

Қоғамдық кеңес мүшелері мемлекеттік қызметтер көрсету тәртібіне қатысты бірқатар сұрақтар қойып, оларға толыққанды жауаптар берілді.

Аталған бағыт бойынша елеулі кемшіліктер анықталмағаны атап өтілді. Сонымен қатар мемлекеттік қызметтердің сапасы мен қолжетімділігін одан әрі арттыру бойынша жұмысты жалғастыру ұсынылды.

– 2026 жылғы I тоқсанда мұрағаттық анықтамалар мен құжаттарды беру.

Аталған мәселе бойынша аудандық мұрағат директоры К.Ә. Тасболатов ақпарат берді.

– Әлеуметтік көмек көрсету қағидаларына өзгерістер енгізу.

Бұл мәселе бойынша жұмыспен қамту және әлеуметтік бағдарламалар бөлімінің бас маманы А.А. Сулейменова баяндама жасады. Қолданыстағы нормаларды халықтың өзекті қажеттіліктерін ескере отырып түзету бойынша ұсыныстар қаралды.

Отырыс қорытындысы бойынша Қоғамдық кеңес мүшелері мемлекеттік органдар қызметінің тиімділігін және көрсетілетін қызметтердің сапасын арттыруға бағытталған тиісті ұсынымдар берілді.

Фото

Previous Next