Қазкеңес жаңалықтары

ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ

Қоғамдық кеңестің кезекті отырысын кеңес төрағасы Әбдісаттар Әбдіхалықов ашып, бекітілген регламентке сәйкес жүргізіп отырды. 
      Жиынға Төлеби ауданының Газ және тұрғын үй инспекциясы КММ директоры Әбдімәлік Дүйсебаев, «Сенім – сервис» мекемесінің жеткешісі Мәлік Маханов, «ОС Түркістан Газ Сервис» мекемесінің өкілі Абдиев Нұрсұлтан Бегалыұлы қатысты.  
     Күн тәртібінде 2 мәселе қаралды.
 
1. «Алатау» облыстық оқу-сауықтыру орталығы МКҚК-ға жүктелген міндеттердің орындалуы және атқарылып жатқан жұмыстардың барысы туралы орталық директорының орынбасары Асхат Әлсейтовтың баяндамасы тыңдалды.   
     Кеңес мүшелері баяндаманы жан-жақты талқылап, мекеме қызметінің тиімділігін одан әрі арттыруға бағытталған бірқатар ұсыныстар мен пікірлерін білдірді. Сонымен қатар, алдағы уақытта көрсетілетін қызметтердің сапасын жақсарту, жоспарланған іс-шараларды уақытылы әрі сапалы орындау бойынша жұмысты жүйелі түрде жалғастыру қажеттігі атап өтілді.

2.  «QazaqGazAimaq» АҚ Төлеби ауданы филиалына жүктелген міндеттердің орындалуы және атқарылып жатқан жұмыстардың барысы туралы филиал директорының орынбасары Асқар Алтаевтың баяндамасы тыңдалды.
      Сондай-ақ, Төлеби ауданының Газ және тұрғын үй инспекциясы КММ директоры Әбдімәлік Дүйсебаев қосымша баяндама жасап, саладағы өзекті мәселелер мен атқарылып жатқан жұмыстарға тоқталды.

      Кеңес мүшелері баяндамаларды талқылау барысында тұрғындарды табиғи газбен үздіксіз әрі сапалы қамтамасыз ету, қауіпсіздік талаптарының сақталуын күшейту, газдандыру жұмыстарын уақтылы жүргізу және тұрғындардың өтініштеріне жедел ден қою жөнінде бірқатар ұсыныстар енгізді. Алдағы жұмыстарды сапалы ұйымдастырып, жоспарланған міндеттердің толық әрі тиімді орындалуын қамтамасыз ету қажеттігі атап өтілді.

Фото