Қазкеңес жаңалықтары

Экономикалық тергеп-тексеру департаментімен ынтымақтастық меморандумы қабылданды

Ақтөбе облысы бойынша Экономикалық тергеп-тексеру департаменті басшысының міндетін атқарушы А.Т.Джулаев және Ақтөбе облысының Қоғамдық кеңесінің төрағасы Т.Ж.Талаева а.ж. 16 шілдесінде Қазақстан Республикасының Конституциясын, «Қазақстан Республикасындағы Адам құқықтары жөніндегі уәкіл туралы», «Құқық бұзушылықтардың профилактикасы туралы» және «Қоғамдық кеңестер туралы» Қазақстан Республикасының заңдарын басшылыққа ала отырып,  өзара ынтымақтастық туралы меморандумға қол қойды.

Меморандумның мақсаты: Қоғамдық кеңес пен Департамент арасында азаматтардың құқықтары мен заңды мүдделерін қорғауды қамтамасыз етуге, мемлекеттік органдар мен азаматтық қоғам институттарының өзара іс-қимылын нығайтуға, экономикалық құқық бұзушылықтардың профилактикасына, көлеңкелі экономикаға қарсы іс-қимыл жасауға, халықтың қаржылық және құқықтық сауаттылығын арттыруға, сондай-ақ қоғамдық бақылауды дамытуға және әлеуметтік маңызы бар жобаларды іске асырудың ашықтығын қамтамасыз етуге бағытталған ұзақ мерзімді әріптестік қатынастарды дамыту болып табылады.

Тараптар қолда бар ақпараттық, құқықтық және әкімшілік ресурстарды пайдалану арқылы бірлескен іс-шараларды жоспарлау және іске асыру барысында мынадай бағыттар бойынша ынтымақтастықты жүзеге асырады:

  1. азаматтардың құқықтары мен заңды мүдделерін қорғау, мемлекеттік, құқық қорғау органдары мен азаматтық қоғам арасындағы байланысты нығайту жөніндегі бірлескен іс-шаралар мен жобаларды жүзеге асыру;
  2. біліммен, құзыреттермен және озық тәжірибемен өзара алмасу;
  3. Департаменттің өңірде әлеуметтік және мәдени нысандардың құрылысына, инфрақұрылымды дамытуға бағытталған бюджеттік жоспарлау және қаржыландыру мәселелері бойынша Қоғамдық кеңес өткізетін тыңдаулар мен кеңестерге қатысуы;
  4. өзара ынтымақтастық мәніне жататын мәселелер бойынша ақпарат алмасу және Қазақстан Республикасының заңнамасында белгіленген мерзімдерде сұратылған ақпаратқа қолжетімділікті қамтамасыз ету;
  5. азаматтардың қаржылық сауаттылығы мен құқықтық мәдениетін арттыру бойынша бірлескен акциялар мен ақпараттық науқандар өткізу;
  6. өзара қызығушылық тудыратын мәселелер бойынша, оның ішінде экономикалық құқық бұзушылықтардың алдын алу және профилактикасы бағытында дөңгелек үстелдер, форумдар, семинарлар және конференциялар ұйымдастыру және өткізу;
  7. бюджет қаражаты есебінен қаржыландырылатын жобаларды іске асыру кезінде қоғамдық бақылауды дамытуға жәрдемдесу;
  8. мемлекеттік бағдарламаларды, ұлттық жобаларды және инфрақұрылымдық бастамаларды іске асыру барысында жүйелі тәуекелдерді анықтау мәселелері бойынша өзара іс-қимыл жасау.

Фото