Қазкеңес жаңалықтары

Түркістан облыстық Қоғамдық кеңесінің кеңейтілген мәжілісінде «Түркістан облысының әлеуметтік-экономикалық даму қорытындылары туралы» облыс әкімі Н.Көшеровтың баяндамасы тыңдалды

Мәжіліске облыс әкімінің орынбасарлары, басқарма басшылары,  аудандық, қалалық Қоғамдық кеңестерінің төрағалары мен мүшелері және  БАҚ өкілдері қатысты.   

         Қоғамдық кеңестің күн тәртібіне сәйкес, облыс әкімі әлеуметтік-экономиканың салаларында атқарылған жұмыстарға егжей-тегжейлі тоқталып, өңірде тарихи орын алған, бес мемлекет басшыларының жиналысы барысында, қасиетті Түркістанда түркі мемлекеттері ұйымының бейресми саммиті өткенін, оның қорытындысымен Түркістан декларациясына қол қойылғанын, сондай-ақ түркі өркениеті орталығының іргетасы қаланғаны жөнінде баяндап берді.

Қоғамдық кеңес төрағасы Б.Жылқышиев ҚР Президенті Қ.Ж. Тоқаев шет мемлекеттер басшыларының кездесуінде облыста ұйымдастырушылық жұмыс жоғары деңгейде дайындалғанын атап өткеніне назар аударып, кеңес мүшелерінің атынан облыс әкімінің мазмұнды баяндамасы үшін ризашылықтарын білдірді.

Түркі мемлекеттері ұйымының саммитін сәтті өткізуге үлес қосқан бірқатар азаматтар үшін облыс әкімі Н.Көшеров марапаттау рәсімін өткізді.

Сонымен қатар, қаулы, шешім жобалары Қоғамдық кеңес мүшелерінің қарауына ұсынылды. 

                                                            Түркістан облыстық Қоғамдық кеңесінің            

                                                                                28.05.2026 ж. № 14 отырысы

 

Фото