Шымкент қаласы Қоғамдық кеңесінің құрамына жаңа мүше қабылданды

Бүгін Шымкент қаласы Қоғамдық кеңесінің кезекті отырысы өтіп, онда Қазақстан Республикасының «Қоғамдық кеңестер туралы» Заңына сәйкес Қоғамдық кеңес құрамындағы бір бос орынға резервтік тізімнен «BAITEREK AGRO» ауыл шаруашылығы өндірістік кооперативінің құрылтайшысы, Шымкент қалалық өзбек этномәдени бірлестігінің төрағасы, Шымкент қаласы Қоғамдық кеңесінің III шақырылымының мүшесі болған Тахирбек Фархадович Нишанбаев Шымкент қаласы Қоғамдық кеңесінің мүшелігіне қабылданды.

Жиынға Шымкент қаласы мәслихатының төрағасы Бахадыр Мәдәліұлы қатысып, жаңа Қоғамдық кеңес мүшесіне кеңес мүшесінің куәлігі мен төсбелгісін салтанатты түрде табыстады.

Қоғамдық кеңестің жаңа мүшесін құрамға қабылдануымен құттықтай отырып, оның қоғамдық бақылауды дамытуға, тұрғындардың ұсыныс-пікірлерін тиімді жеткізуге және қаланың әлеуметтік-экономикалық дамуына бағытталған бастамаларды іске асыруға белсенді үлес қосатынына сенім білдіреміз.

Фото

Previous Next