ҚОҒАМДЫҚ КЕҢЕС ОТЫРЫСЫ ӨТТІ

Шымкент қаласы Қоғамдық кеңесінің кезекті отырысы өтті. Отырысты Қоғамдық кеңес төрағасы Бұхарбай Парманов ашып, жүргізіп отырды.

Жиында Әл-Фараби ауданы әкімінің, жұмылдыру дайындығы, аумақтық және азаматтық қорғаныс басқармасы басшысының, сондай-ақ тұрғын үй басқармасының атқарған жұмыстары туралы есептері тыңдалды.

Әл-Фараби ауданында «Халық қатысатын бюджет» жобасы аясында атқарылып жатқан абаттандыру жұмыстары, тұрғындарға арналған әлеуметтік және инфрақұрылымдық жобалар таныстырылды. Кеңес мүшелері жол қозғалысын ұйымдастыру және ретсіз сауда орындарын реттеу мәселелерін көтерді.

Сондай-ақ, азаматтық қорғаныс саласындағы жұмыстар, сейсмикалық оқу-жаттығулардың өткізілуі және төтенше жағдайлар кезіндегі паналау орындарының дайындығы талқыланды.

Тұрғын үй саласы бойынша мүлік иелері бірлестіктерінің қызметі, тұрғындармен түсіндіру жұмыстары және әлеуметтік тұрғын үйлерге қатысты өзекті мәселелер қаралды.

Отырыс барысында Қоғамдық кеңес мүшелері көтерілген мәселелер бойынша сұрақтар қойып, жауапты басқармаларға тиісті ұсынымдарын жеткізді.

Фото

Previous Next