Жолдардың жағдайы және ауыр жүк көлігінің шамадан тыс жүктелуі туралы

Бүгін Бәкір Демеуовтің төрағалығымен өткен облыстық қоғамдық кеңестің отырысында «Жолдардың жағдайы, егіс жұмыстары мен жинау кезінде ауыр жүк көлігінің шамадан тыс жүктелуі туралы» мәселесі қаралды. Облыстың жолаушылар көлігі және автомобиль жолдары басқармасы басшысының орынбасары Фархат Оспанов қоғамдық кеңес мүшелерін автомобиль жолдарында қауіпсіз жүруді қамтамасыз ету бойынша жүргізіліп жатқан жұмыстар туралы хабардар етті. Қоғамдық кеңес мүшелері жолдардың жағдайы жылдан жылға жақсарып келе жатқанын, үлкен жұмыс жүргізілгенін атап өтті. Сонымен қатар, облыстық қоғамдық кеңес бұл мәселені бақылауда ұстауды, жолдардың жағдайын жақсарту және жолдардың сапасын қамтамасыз ету бойынша тұрақты жұмыс жүргізуді, сондай-ақ көлік инспекциясымен бірлесіп автотрассалардағы шамадан тыс жүктеме бойынша бақылау орнатуды, жүк жөнелтушілердің жауапкершілігін күшейтуді және егін жинау кампаниясы кезеңінде келтірілген залалды өтеуді ұсынады.

Фото

Previous Next