ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ

Төлеби аудандық Қоғамдық кеңесінің кезекті отырысында кеңес төрағасы Әбдісаттар Әбдіхалықов төрағалық етіп, аудан әкімі аппаратының басшысы Амалбек Өміртай қатысты.

Отырыста екі мәселе қаралды.

Алғашқы мәселе – Төлеби аудандық мәслихатының тұрғын үй сертификатының мөлшері мен алушылар санаттарының тізбесін айқындау туралы шешіміне өзгерістер енгізу туралы, Төлеби ауданының тұрғын үй-коммуналдық шаруашылық, жолаушылар көлігі және автомобиль жолдары бөлімінің бас маманы Гүлшат Жантурина хабарлама жасады.  Шешім жобасы қаралып, талқыланып Қоғамдық кеңес тарапынан сараптамалық оң қорытынды келісім берілді.

Екінші мәселе бойынша – Көксәйек ауылдық округінде мемлекеттік бағдарламалардың іске асырылуы мен кәсіпкерлік шаруашылық саласында атқарылған жұмыстар туралы ауылдық округ әкімі Асқар Сәулембаевтың есебі тыңдалды. Баяндамашыны тыңдау, мәселелерді талқылау барысында округтің әлеуметтік-экономикалық дамуына қатысты өзекті мәселелер көтеріліп, атқарылып жатқан жұмыстардың тиімділігін арттыруға бағытталған нақты ұсынымдар берілді.

Фото

Previous Next