КЕЛЕС АУДАНЫНДА ҚОҒАМДЫҚ МОНИТОРИНГ ЖҮРГІЗІЛДІ.

Келес ауданының Қоғамдық кеңесі мүшелерінен құрылған комиссия Келес ауданының ішкі саясат, мәдениет, тілдерді дамыту және спорт бөлімінің 2025 жылы және 2026 жылдың I жартыжылдығында атқарған жұмыстарына қоғамдық мониторинг жүргізді.

Мониторинг барысында бөлімнің негізгі қызмет бағыттары бойынша атқарылған жұмыстармен қатар, ауданның спорт саласына да ерекше назар аударылды.

Атап айтқанда, аудан аумағындағы спорт клубтарының жұмысы, олардағы қызметкерлер мен жаттықтырушылар саны, спортпен шұғылданатын балалардың қамтылуы, спорт түрлері, сондай-ақ спорт клубтарының аудандық немесе облыстық бағыныстылығы туралы мәселелер қаралды.

Комиссия мүшелері спорт клубтарының жұмысының ұйымдастырылуы, балалар мен жастарды спортқа тарту, жаттықтырушылардың қызметі және спорт секцияларының қолжетімділігі жөнінде сұрақтар қойды.

Мониторинг барысында бөлім басшысының орынбасары Ж. Маханбеталиева тарапынан комиссия мүшелерінің сұрақтарына жауаптар беріліп, атқарылған жұмыстар туралы тиісті ақпарат ұсынылды.

Мониторингке Қоғамдық кеңес мүшелерінен құрылған комиссия құрамында Т. Умирзахо, А. Тотиков, Б. Тастемиров қатысты.

Қоғамдық мониторингтің негізгі мақсаты – мемлекеттік орган жұмысының ашықтығын қамтамасыз ету, атқарылған жұмыстарды зерделеу және халықтың ұсыныс-пікірлерін ескере отырып, қызмет сапасын арттыруға ықпал ету.

Фото

Previous Next