«МЕКТЕПБАҚЫЛАУ» ЖОБАСЫ АЯСЫНДА МЕМЛЕКЕТТІК МЕКТЕПКЕ ДЕЙІНГІ ҰЙЫМДАРДА ҚОҒАМДЫҚ МОНИТОРИНГ БАСТАЛДЫ

«МЕКТЕПБАҚЫЛАУ» ЖОБАСЫ АЯСЫНДА МЕМЛЕКЕТТІК МЕКТЕПКЕ ДЕЙІНГІ ҰЙЫМДАРДА ҚОҒАМДЫҚ МОНИТОРИНГ БАСТАЛДЫ

2026 жылғы 3–4 тамыз күндері Алматы облысы Қоғамдық кеңесінің бастамасымен жүзеге асырылып жатқан «МектепБақылау» жобасы аясында мемлекеттік мектепке дейінгі ұйымдарда қоғамдық мониторинг жүргізілді.Мониторингтің мақсаты – мектепке дейінгі ұйымдардағы балалардың қауіпсіздігін қамтамасыз ету, тамақтандыру сапасын, санитариялық талаптардың сақталуын, медициналық қызметтің ұйымдастырылуын және материалдық-техникалық базаның жай-күйін бағалау.

Мониторинг барысында балалардың тамақтандыру жүйесі, азық-түлік өнімдерінің сапасы мен сақталуы, санитариялық жағдай, медициналық қызмет және құжаттамалардың жүргізілуі зерделенді. Нәтижесінде сүт өнімдерінің тәуліктік нормасының толық сақталмауы, ветеринариялық ілеспе құжаттардағы сәйкессіздіктер, бейнебақылау жазбалары арқылы салат порциясының бекітілген мөлшерден аз берілгені, сондай-ақ жекелеген азық-түлік өнімдеріне сертификаттардың болмауы сияқты кемшіліктер анықталды.Сонымен қатар бірқатар мектепке дейінгі ұйымдарда аумақтың тазалығы, топтық бөлмелердің талапқа сай жабдықталуы, медициналық кабинеттердің жұмысы және санитариялық жағдайдың жоғары деңгейде ұйымдастырылғаны оң тәжірибе ретінде атап өтілді.

Мониторинг қорытындысы бойынша ұйым әкімшіліктеріне анықталған кемшіліктерді қысқа мерзімде жоюға бағытталған нақты ұсынымдар берілді.
Айта кету керек, «МектепБақылау» жобасы аясындағы қоғамдық мониторинг жұмыстары жалғасуда. Алдағы кезеңде мониторинг Алматы облысының барлық 9 ауданы мен 2 қаласындағы мемлекеттік мектепке дейінгі білім беру ұйымдарын қамтиды. Алматы облысы Қоғамдық кеңесі берілген ұсынымдардың орындалуын тұрақты бақылауда ұстап, мектепке дейінгі білім беру ұйымдарында көрсетілетін қызмет сапасын арттыруға бағытталған қоғамдық бақылау жұмыстарын жүйелі түрде жалғастырады.

📍 03-04 тамыз 2026 жылы «МектепБақылау» жобасы аясында Алматы облысы, Қонаев қаласындағы «Гүлдер, Балдаурен, Искорка, Нұр бөбек және АҚдидар  балабақшасына қоғамдық мониторинг жүргізілді.
Мониторинг барысында балалардың тамақтануын ұйымдастыру, азық-түлік өнімдерінің сақталуы, санитариялық талаптардың орындалуы және қауіпсіздік мәселелері зерделенді.

🔎 Анықталған негізгі кемшіліктер:
▪️ ас мәзіріндегі жемістер, көкөністер және сүт өнімдерінің толық берілмеуі;
▪️ азық-түлік сақтау талаптарының бұзылуы және жарамдылық мерзімі өткен өнімнің анықталуы;
▪️ өнімдерге маркировка мен сертификаттардың болмауы;
▪️ қызметкерлердің санитариялық кітапшаларының мерзімінің өтуі;
▪️ балабақша аумағындағы ашық люк, электр қалқаны және ойын алаңындағы қауіпті темір конструкциялар.

Мониторинг қорытындысы бойынша балабақша әкімшілігіне анықталған заңбұзушылықтарды қысқа мерзімде жою жөнінде нақты ұсынымдар берілді.
✅ Ұсынымдардың орындалуы Алматы облысы Қоғамдық кеңесінің бақылауында болады.

Фото

Previous Next