КЕЛЕС АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТТІ

   2026 жылғы 26 тамызда Келес аудандық Қоғамдық кеңесінің кезекті отырысы өтті. Отырысты Қоғамдық кеңес төрағасы Е. Абишев жүргізді.

        Отырыстың күн тәртібінде Ауданның ішкі саясат, мәдениет, тілдерді дамыту және спорт бөлімі, «Әшірәлі Кенжеев атындағы Келес аудандық мәдениет үйі», Аудандық санитарлық-эпидемиологиялық қадағалау басқармасы және Қошқарата ауылдық округі әкімінің 2025 жыл және 2026 жылдың І жартыжылдығында атқарған жұмыстары туралы есептері қаралды.

     Отырыс барысында атқарылған жұмыстар талқыланып, Қоғамдық кеңес мүшелері тарапынан бірқатар сұрақтар қойылып, ұсыныстар айтылды.

Мәдениет үйі директоры Турсынов Бақыт қатыспауына байланысты есепті қарау келесі отырысқа қалдырылды.

Қошқарата ауылдық округі әкімінің есебін талқылау барысында ауылдық округтің әлеуметтік-экономикалық дамуы, тұрғындардың өзекті мәселелері және оларды шешу бағыттары бойынша пікірлер мен ұсыныстар айтылды. Қоғамдық кеңес тарапынан жауапты мекемелерге тиісті жұмыстарды сапалы әрі уақтылы жүргізу жөнінде ұсыныстар берілді.

Отырыста қаралған мәселелер бойынша тиісті шешімдер қабылданып, олардың орындалу барысы Қоғамдық кеңестің бақылауына алынды.  

Фото

Previous Next