ҚР Құрылтайы депутатын құттықтаймыз

Ақтөбе облыстық Қоғамдық кеңесінің төрағасы -Тәттігүл Жақсыбайқызын алғашқы Құрылтайдың депутаты болып сайлануымен шын жүректен құттықтаймыз!
Бұл – Сіздің көп жылғы қоғамдық еңбегіңізге, азаматтық ұстанымыңызға және халық арасындағы беделіңізге берілген жоғары баға. Құрылтайдың алғашқы депутаттарының қатарынан орын алу – үлкен мәртебе ғана емес, ел алдындағы зор жауапкершілік.
Халықтың сенімін ақтап, Ақтөбе облысының өзекті мәселелерін жоғары деңгейде көтеріп, өңір тұрғындарының талап-тілегін Құрылтай мінберінен лайықты жеткізеді деп сенеміз.
Жаңа қызметіңізге толағай табыс, мықты денсаулық, қажымас қайрат және ел игілігі жолындағы жұмысыңызға сәттілік тілейміз!
Құрылтайдағы алғашқы қадамыңыз құтты болсын!
Халықтың сенімі – Сізге аманат, елдің игілігі – басты мұрат болсын!
Ел үшін атқаратын еңбегіңіз жемісті болып, абырой-беделіңіз арта берсін!
Алдағы уақытта да Сізге жүктелген жауапты міндетті абыроймен атқарып, ел мен жердің мәселесін батыл көтеріп, халық пен билік арасындағы сындарлы байланысты нығайтуға үлес қоса беріңіз.
Құрылтайдағы әрбір бастамаңыз қолдау тауып, көтерген ұсыныстарыңыз ел игілігіне бағытталған нақты істерге ұлассын!

Фото

Previous Next