Қазкеңес жаңалықтары
KazKENES жаңалықтарыАудан әкімімен дөңгелек үстел форматындағы кездесу
Аудан әкімімен дөңгелек үстел форматындағы кездесу
Ағымдағы жылдың 31 тамызында Биржан сал ауданы Қоғамдық кеңесінің мүшелері аудан әкімі Б.К. Қасеновпен дөңгелек үстел форматында кездесу өткізді.
Аудан әкімі Қоғамдық кеңес мүшелерін 2026 жылдың бірінші жартыжылдығындағы әлеуметтік-экономикалық даму қорытындыларымен және алдағы кезеңге арналған міндеттермен таныстырды.
Қоғамдық кеңес мүшелері аудан тұрғындарын толғандырып отырған бірқатар өзекті мәселелерді көтерді. Атап айтқанда, алдағы жылу беру маусымына дайындық жұмыстарының барысы, жолдарды жөндеу, сумен қамтамасыз ету, бюджеттің кіріс бөлігін толықтыру, қатты және сұйық тұрмыстық қалдықтарды уақтылы шығару және басқа да мәселелер талқыланды.
Аудан әкімі көтерілген барлық мәселелер бақылауда болатынын және олардың туындауына қарай уақтылы шешілетінін атап өтті.
Өз кезегінде Қоғамдық кеңес мүшелері аудан әкімдігіне өңір экономикасын одан әрі дамыту, экономикалық әлеуетті арттыру және халықтың өмір сүру сапасын жақсарту бағытындағы жұмыстарды жалғастыруды ұсынды.
Сонымен қатар, инфрақұрылымдық және әлеуметтік нысандарды дамытуға, халықтың әл-ауқатын арттыруға, сондай-ақ қоғамдық-саяси өмірдегі тұрақтылықты нығайтуға бағытталған кешенді шараларды іске асыруға және бірінші кезектегі мәселелерді шешуге баса назар аудару ұсынылды.
Фото
