Көпбалалы патронаттық отбасына сумен жабдықтау бойынша көмек

Павлодар ауданының Розовка ауылында тұратын Вадим Николаевич Мороздың отбасы төрт асырап алған баланы тәрбиелеп отыр. Олардың біреуі колледжде білім алса, үшеуі мектепте оқиды. Отбасына бару барысында тұрмыстық мәселелердің ішіндегі ең өзектілерінің бірі – сапалы ауыз суға тұрақты қолжетімділіктің жоқтығы анықталды. Бұл өтінішке Павлодар облыстық қоғамдық кеңесінің мүшесі А.А. Касицин жедел үн қатып, ұңғыма қазу жұмыстарын ұйымдастырды. Көрсетілген көмектің арқасында отбасы таза судың тұрақты көзіне қол жеткізіп, олардың тұрмыс жағдайы едәуір жақсарды. Отбасы атынан Вадим Николаевич Мороз көрсетілген қолдау үшін шынайы алғысын білдірді: «Су мәселесін шешіп бергендеріңіз үшін алғыс айтамыз. Судың сапасы өте жақсы әрі мол. Біздің отбасымыз үшін бұл үлкен көмек болды». Мұндай игі істер ауыл тұрғындарын толғандыратын мәселелерді бірлескен күш-жігер арқылы тиімді шешуге болатынын айқын көрсетеді.

Фото

Previous Next