Зайсан аудандық Қоғамдық кеңестің отырысы өтті.

2026 жылдың қыркүйек айының 9-да Қоғамдық кеңестің кезекті отырысы өтті. Аудандық қоғамдық кеңестің 15 мүшесінен 13 мүшесі қатысты.  Күн тәртібінде “Аудандық білім бөліміне қарасты мекемелердің  2026-2027 жылғы қыс маусымына дайындығы туралы” аудандық білім бөлімі басшысының м.а. З.С.Серікованың хабарламасы тыңдалды. Ауданда білім бөліміне қарасты 36 білім беру мекемелерінің 15 қатты отынмен, 10 газбен, 7 электр энергиясы, 4 орталық жылу қазандықтары арқылы жылытылады. Жылу маусымына қажетті 5379 тонна көмірмен қамтамасыз ету үшін мердігерлер анықталып, бүгінгі күнге 35 пайыз, яғни 1822 тонна көмір мекемелерге жеткізілген. Қалғаны кестеге сәйкес 30 қыркүйекке дейін жеткізілуі тиіс. Алайда, аудандық білім бөлімі мердігерлерге қаржы аудармау  себебінен мердігерлер көмір жеткізуді тоқтатып отыр. Аудандық қоғамдық кеңес мүшелері жақын арада мердігерлердің қаржысын шешіп, көмір тасуды жедел жалғастыру жөнінде ұсыныс айтып, осы айдың 30 дейін қатты отынды қолданатын мекемелерді толық қамтамасыз ету ұсынылды. Жылу қазандықтары мен жылу трассалары жөндеу жұмыстары жалғасуда. М.Дәуленов атындағы мектеп-интернатының газ қазандығын ауыстыру жұмыстары аяқталмаған. Аудандық білім бөлімі газ барып тұрған ауылдардағы мектептерді газға қосу жөнінде нақты жұмыс атқармаған. Жұмыс атқармау себебінен әлі күнге дейін газға қосылмай отыр. Сонымен қатар, Зайсан қаласындағы Ю. Гагарин атындағы орта мектеп пен бірнеше бала бақшаларда газға қосылмаған. Осы мәселе жөнінде облыстық білім басқармасымен бірлесе нақты жұмыс атқару ұсынылды. Аудандық қоғамдық кеңес мүшелері білім бөлімінің мектептердегі оқу, тәрбие, тәртіп, кадр мәселесі жөніндегі кемшіліктерін атап көрсетіп, тез арада кемшіліктерді жою ұсынылып, жалпы аудан мектептерінде тексеріс жүргізіп, алдағы уақытта аудандық қоғамдық кеңесте  қайта қаралатындығы ескертілді.
Күн тәртібінде келесі мәселесінде аудандық қоғамдық кеңеске Зайсан қаласының тұрғыны, М.Ломоносов атындағы орта мектептің мұғалімі Ж.Тастағанованың өтініші қаралды. Ж. Тастағанова ханым өз өтінішінде үй салуға бірнеше жылдардан бері үй алу кезегінде тұрсада жер ала алмай отырғаны жөнінде айтылған болатын. Өтініш аудандық жер қатынастары бөлімінің басшысы Е.Қайрақбаевтың, аудандық тұрғын үй коммуналдық шаруашылығы, жолаушы көлігі және автомобиль жолдары бөлімінің басшысы Ә.Жұмағалиевтің, аудандық сәулет, қала құрылыс және құрылыс бөлімінің бас маманы И. Калимолдинаның, қала әкімі Р.Тауасаровтың қатысулары арқылы қаралды. Өтініш жан-жақты қаралып, кейбір бөлім тарапынан жіберілген кемшіліктер анықталып, алдағы уақытта мұндай кемшіліктер жібермеу жөнінде ұсыныс білдіріп, қазіргі уақытта қолданыстағы заңдылыққа сәйкес шешілетінін Ж.Тастағановаға ханымға түсіндірілді. 
Сонымен қатар, қоғамдық кеңесте аудандық жер қатынастары бөлімінің басшысы Е.Қайрақбаевтың конкурсқа ұсынылған ауылшаруашылық мақсатында пайдаланатын жер учаскелері қаралды. Мал жайылымдығы үшін пайдаланатын 6 жер учаскелерінің 5 жер учаскелеріне конкурсқа ұсынуына келісім беріліп, Айнабұлақ ауыл округіне қарасты 437,8 га жайылымдық жердің жартысын ғана конкурсқа ұсынуға келісті.

Зайсан Аудандық Қоғамдық Кеңесітің ақпараттық орталығы.

Фото

Previous Next