Қоғамдық кеңес мүшесі Тұрсынбек Макишев және қалалық мәслихат депутаты Ғалымжан Нұрпейсовтың қатысуымен №8, 9 және 16 орамдардың аулаларында кезекті мониторингтік рейд өткізілді

 Қоғамдық кеңес мүшесі Тұрсынбек Макишев және қалалық мәслихат депутаты Ғалымжан Нұрпейсовтың қатысуымен №8, 9 және 16 орамдардың аулаларында кезекті мониторингтік рейд өткізілді.
Рейд барысында қатты тұрмыстық қалдықтарға (ҚТҚ) арналған контейнерлердің бос болғаны анықталды. «Ұлытау ЭКОСЕРВИС» ЖШС қоқысты күннің бірінші жартысында шығарып кеткен.
Сонымен қатар, Мұратбаев көшесінде ҚТҚ контейнерлерінің бірінен жұлып алынған арамшөптер анықталды. Қоғам өкілдері тұрғындарға қалдықтарды дұрыс тастау ережелерін тұрақты түрде түсіндіріп, өсімдік қалдықтарын ҚТҚ контейнерлеріне тастауға жол бермеу қажеттігіне назар аударды.
Сондай-ақ рейд барысында кейбір тұрғындардың тазалық талаптарын сақтамау жағдайлары байқалды: тұрғындар тұрмыстық қалдық салынған пакеттерді контейнерлік алаңға дейін жеткізбей, жол бойына тастап кеткен. Бұл аула аумағының ластануына әкеледі.
№16 орамда қираған гараждың ішінен тұрмыстық қалдықтардың стихиялық үйіндісі анықталды. Қолда бар белгілерге қарағанда, аталған жерге қоқысты осы аумақта тұратын тұрғындар жинақтап тастаған.
Бұдан бөлек, балалар ойын алаңдарын жинаумен айналысатын «Экологиялық туризм «Нұрмейірім» ҚБ мердігер ұйымына рейд барысында барлық ойын алаңдарында тазалық жұмыстары толық жүргізілмегеніне байланысты ескерту жасалды.
Анықталған барлық кемшіліктер мен ескертулер бойынша тиісті шаралар қабылдап, аумақтарды тиісті деңгейде күтіп ұстау қажеттігі көрсетілді.
Мониторингтік рейдтер тұрақты түрде жүргізіледі. Олардың негізгі мақсаты – құқық бұзушылықтарды уақтылы анықтау, тазалау жұмыстарының сапасын және аулалар мен қоғамдық аумақтардың күтіп-ұсталуын бақылау. Қаланың тазалығы тек коммуналдық және қызмет көрсетуші ұйымдардың жұмысына ғана емес, тұрғындардың да тазалық пен тәртіпті сақтауға жауапкершілікпен қарауына байланысты

Фото

Previous Next