2026 жылғы 14 қыркүйекте Алматы облысы қоғамдық кеңесінің мүшелері ата-ананың өтініші негізінде Еңбекшіқазақ ауданы, Байтерек ауылындағы «Балабанчик 2021» бөбекжай-балабақшасына қоғамдық мониторинг жүргізді.

«МектепБақылау» жобасы аясында қоғамдық мониторинг жүргізілді

2026 жылғы 14 қыркүйекте Алматы облысы қоғамдық кеңесінің мүшелері ата-ананың өтініші негізінде Еңбекшіқазақ ауданы, Байтерек ауылындағы «Балабанчик 2021» бөбекжай-балабақшасына қоғамдық мониторинг жүргізді.

Мониторинг барысында балалардың тамақтануын ұйымдастыру, азық-түлік өнімдерінің сақталуы, ас мәзірінің орындалуы, медициналық қызмет және тиісті құжаттаманың жүргізілуі зерделенді.

Нәтижесінде балаларға берілетін тағам мөлшеріне, бірінші және екінші тағамды беру тәртібіне, азық-түлік өнімдерінің жеткіліктілігі мен оларды растайтын құжаттардың болуына қатысты бірқатар мәселелер анықталды. Сонымен қатар тәрбиеленушілердің нақты саны мен есептік мәліметтер арасында сәйкессіздік барына, сондай-ақ ойын алаңдарының жеткіліктілігіне назар аударылды.

Анықталған мәселелер қоғамдық мониторинг хаттамасында тіркеліп, тиісті құжаттарды қосымша зерделеу және құзыретті мемлекеттік органдарға жолдау бойынша ұсыныстар берілді.

Алматы облысы қоғамдық кеңесі азаматтардың өтініштерінде көтерілген мәселелерді зерделеу және әлеуметтік нысандардың ашықтығы мен талаптарға сәйкестігін қоғамдық бақылау бағытындағы жұмыстарын жалғастырады.

Фото

Previous Next