ҚОҒАМДЫҚ КЕҢЕСТІҢ КЕЗЕКТЕН ТЫС ОТЫРЫСЫ ӨТТІ

Ордабасы аудандық Қоғамдық кеңесінің 2026 жылғы 17-ші кезектен тыс отырысы өтті.

Отырыс барысында күн тәртібіне сәйкес Ордабасы ауданы мәслихатының 2025 жылғы 25 желтоқсандағы №40/1 «2026–2028 жылдарға арналған аудандық бюджет туралы» шешіміне өзгерістер енгізу туралы аудандық мәслихат шешімінің жобасы қаралды.

Аталған мәселе бойынша аудандық экономика және қаржы бөлімінің басшысы А. Сихымбаева баяндама жасап, бюджетке енгізілетін өзгерістер мен қаржы қаражатын қайта бөлу бағыттары туралы кеңес мүшелеріне түсініктеме берді.

Қоғамдық кеңес мүшелері бюджет қаражатының тиімді және мақсатты жұмсалуы, тұрғындардың өзекті мәселелерін шешуге бағытталуы жөнінде бірқатар сұрақтар қойып, тиісті жауаптар алды.

Сонымен қатар отырысқа ауданның тиісті бөлім басшылары қатысып, спорт, әлеуметтік сала, құрылыс, тұрғын үй, газдандыру , таза су және жол мәселелері бойынша атқарылып жатқан жұмыстар туралы ақпарат берді.

Фото

Previous Next