Мәдениет және ақпарат министрлігінің қоғамдық кеңесін қалыптастыру жөніндегі жұмыс тобының мүшелерін іріктеу бойынша конкурсқа байқаушылар тізімін қалыптастыру туралы хабарландыру

Қазақстан Республикасының Мәдениет және ақпарат министрлігі Қоғамдық кеңестің жаңа құрамын қалыптастыру жөніндегі Жұмыс тобының мүшелерін іріктеу бойынша конкурс өткізілетіні туралы хабарлайды (2015 жылғы 2 қарашадағы «Қоғамдық кеңестер туралы» ҚР Заңына және ҚР Мәдениет және ақпарат министрінің м.а. 2025 жылғы 28 наурыздағы № 112-НҚ бұйрығымен бекітілген Қоғамдық кеңес туралы Үлгілік ережеге сәйкес).

Конкурс Қазақстан Республикасының азаматтары мен коммерциялық емес ұйымдарының өкілдері арасында өткізіледі.

Құжаттар 2026 жылғы 24-30 қыркүйек аралығында қабылданады.

Жұмыс тобының сандық құрамы - 9 адам: коммерциялық емес ұйымдардың өкілдері, Қазақстан Республикасының азаматтары.

Конкурсқа қатысу үшін келесі құжаттар ұсынылады:

1) Үлгілік ережеге 1-қосымшаға сәйкес нысан бойынша кандидатураны жұмыс тобының құрамына ұсыну туралы коммерциялық емес ұйымның жазбаша ұсынысын және (немесе) азаматтың өтінішін;

2) өмірбаян деректері көрсетіле отырып, кандидаттың кәсіптік және (немесе) қоғамдық қызметі туралы мәліметтер;

3) сотталғандығының болуы не болмауы туралы анықтама;

4) психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) болуы не болмауы туралы анықтама;

5) кандидаттың дербес деректерін жинауға, өңдеуге, таратуға және жариялауға келісімді жібереді.

Құжаттар k.kense@mki.gov.kz  электронды мекенжайына немесе 010000, Астана қаласы, Мәңгілік Ел даңғылы, 8, 14-кіреберіс мекенжайына жіберіледі.

Анықтама телефоны: +7 7172 74 04 50

Фото

Previous Next