ҚОҒАМДЫҚ КЕҢЕС ОТЫРЫСЫНДА ӘЛЕУМЕТТІК, АУЫЛ ШАРУАШЫЛЫҒЫ ЖӘНЕ МӘДЕНИЕТ САЛАЛАРЫ ҚАРАЛДЫ

2026 жылғы 23 қыркүйекте Келес аудандық Қоғамдық кеңесінің кезекті отырысы өтті. Отырысты Қоғамдық кеңес төрағасы Е. Абишев жүргізді.

Отырыстың күн тәртібінде Келес ауданындағы жұмыспен қамту және әлеуметтік бағдарламалар, өсімдік зиянкестерімен күрес, ауыл шаруашылығы саласындағы мемлекеттік бақылау, Жүзімдік ауылдық округі және аудандық мәдениет үйінің 2025 жылы және 2026 жылдың І жартыжылдығында атқарған жұмыстары туралы есептері қаралды.

Отырыс барысында баяндамашылардың есептері тыңдалып, Қоғамдық кеңес мүшелері тарапынан бірқатар сұрақтар қойылып, ұсыныстар айтылды.

Келес аудандық мәдениет үйінің жұмысына қатысты Қоғамдық кеңес мүшелері тарапынан бірқатар мәселелер көтеріліп, мекемедегі жұмыс барысына, Facebook әлеуметтік желісінде қалдырылған пікірлерге байланысты,сондай-ақ қаржылық міндеттемелердің уақытылы орындалуына байланысты сұрақтар қойылды.

Аталған мәселелерге қатысты мәдениет үйінің директоры Бақыт Турсынов жауап беріп, көтерілген жағдайлардан хабардар екенін айтты. Сонымен қатар, осы мәселелер бойынша прокуратура тарапынан тексеру жұмыстары жүргізіліп жатқанын және тиісті қызметкерге қатысты қызметтік шара қолданылғанын жеткізді.

Қоғамдық кеңес мүшелері көтерілген мәселелердің маңыздылығына тоқталып, тиісті жұмыстардың заң талаптарына сәйкес жүргізілуі және анықталған кемшіліктердің алдағы уақытта қайталанбауы қажеттігін атап өтті.

Отырыста күн тәртібіндегі мәселелер талқыланып, баяндамашыларға тиісті сұрақтар қойылып, ұсыныстар берілді. Көтерілген мәселелер бойынша жүргізіліп жатқан жұмыстардың нәтижесі Қоғамдық кеңес мүшелерінің назарында болады.

Фото

Previous Next