ҚОҒАМДЫҚ МОНИТОРИНГ

Жамбыл облыстық Қоғамдық кеңесінің Энергетика және тұрғын үй - коммуналдық шаруашылық, құрылыс, инфрақұрылым және цифрландыру жөніндегі комиссия облыс әкімдігінің энергетика және тұрғын үй-коммуналдық шаруашылық басқармасына жұмыс жоспарына сәйкес қоғамдық мониторинг жүргізуді бастады.

Мониторингтік топ мүшелері басқарма басшылығымен кездесіп, қоғамдық мониторинг жүргізуге арналған жадынама  негізінде зерделенетін сұрақтарды талқылады.  Атап айтқанда, мониторинг барысында энергетика және тұрғын үй-коммуналдық шаруашылық саласында көрсетілетін мемлекеттік қызметтер сапасы, мемлекеттік бағдарламалардың жүзеге асырылуы, стратегиялық жоспарлардың іске асырылуы; бюджеттік бағдарламаларды іске асыру, ҚР заңанамасының нормаларын қолдану нәтижесінде азаматтар үшін теріс салдарларды және қоғамдық мүдделерге қысым жасалуы анықталатын болады.

Сонымен қатар тұтынушыларды сұйытылған газбен қаматамасыз ету туралы, қызмет көрсетудің сапасы, Тараз қаласында тазарту қондырылғыларын орнату, Жамбыл ауданының экологиялық жағдайын жақсарту шаралары, Тараз қаласы канализация жүйесімен қамту деңгейі (талдау). «АРАЙ», «БАРЫСХАН», «КӨКТЕМ», «БУРЫЛ», «ДОРОЖНИК», «ТАЙВАНЬ», т.б массивтерінде, Ташкент, Лермонтов, Элеваторный, Аққозиев, Балуан шолақ сияқты үлкен көшелерге кәріз жүйесін тарту,  қоқыс өңдеу зауытын салу, жасыл желектерді суғару мақсатында салынған лотоктардың құрылысына  жұмсалған қаражат, скважиналардың жұмысы, қатты тұрмыстық қалдықтар полигонының жағдайы туралы сұрақтар қарастырылып, басқарма басшылығы аталған мәселелер бойынша жоспарланған жұмыстарды баяндады. Мониторинг жүргізу жоспары бойынша жылыту маусымы мерзімінде «Таразэнергоцентр» (ТЭЦ) АҚ, «Жамбыл су» мемлекеттік коммуналдық кәсіпорны, «QazaqGaz Aimaq» АҚ Жамбыл өндірістік филиалы, «Жамбыл-Жылу» мемлекеттік коммуналдық кәсіпорнының халыққа қызмет көрсету  мақсатында атқаратын жұмыстары зерделенетін болады.

Фото

Previous Next