Жарқайың ауданының Қоғамдық кеңесінің отырысы

Ағымдағы жылдың 25 қыркүйегінде, Д.А. Шакировтың төрағалығымен Жарқайың ауданының Қоғамдық кеңесінің отырысы өтті.
Бекітілген күн тәртібіне сәйкес келесі мәселелер қаралды:
1. «Жарқайың ауданының Қоғамдық кеңесінің құрамына өзгерістер енгізу туралы»;
2. «Сумен жабдықтау объектілерінің санитариялық-гигиеналық жай-күйі және ауыз су сапасына қатысты проблемалық мәселелер туралы».
Екінші мәселе бойынша сөз сөйлегендер:
• Ж. Ахметова — ауданның бас санитариялық дәрігері;
• Н. Елемесов — «Коммунсервис» ШЖҚ МКК директорының міндетін атқарушысы;
• А. Сайдалина — Гастелло ауылының әкімі;
• Ж. Мынбаев — Пригородное ауылының әкімі;
• В. Мовсисян — Қоғамдық кеңестің мүшесі.
Отырысқа Жарқайың аудандық мәслихатының төрағасы А. Әлжанов, аудан әкімінің орынбасары Д. Сыздықов, Қоғамдық кеңестің мүшелері, мемлекеттік мекемелердің басшылары және бұқаралық ақпарат құралдарының өкілдері қатысты.
Күн тәртібіндегі бірінші мәселе бойынша Қоғамдық кеңес мүшелерінің бірауыздан қабылдаған шешімімен Қоғамдық кеңестің бос орнына, Надежда Крупская атындағы №1 мектеп-гимназиясының орыс тілі пәнінің мұғалімі, Пригородное ауылының тұрғыны Р.Кот Қоғамдық кеңестің мүшесіне енгізілді.
Күн тәртібіндегі екінші мәселе бойынша сумен жабдықтау объектілерінің санитариялық-гигиеналық жай-күйі және ауыз су сапасы туралы жауапты тұлғалардың ақпараты тыңдалды.
Отырыс барысында Қоғамдық кеңестің жұмыс тобы ағымдағы жылғы 18 қыркүйекте жүргізген сумен жабдықтау объектілерін тексеру нәтижелеріне ерекше назар аударылды.
Сумен жабдықтау объектілері аумақтарының санитариялық жай-күйі, су мұнараларының жағдайы, қоршаулардың болуы және жай-күйі, санитариялық-қорғау аймақтарының сақталуы, сондай-ақ объектілерді тиісінше күтіп-ұстауды қамтамасыз ету және ауыз су сапасына тұрақты бақылау.

Фото

Previous Next