Қоғамдық кеңес мүшелері сумен жабдықтау нысандарына барды

Қоғамдық кеңес тарапынан сумен жабдықтау нысандарына тексеру жүргізілді
Қазақстан Республикасының «Қоғамдық кеңестер туралы» Заңына және Қоғамдық кеңес туралы үлгілік ережеге сәйкес «Сумен жабдықтау нысандарының санитариялық-гигиеналық жағдайы және ауызсу сапасына қатысты проблемалық мәселелер туралы» мәселені қарау үшін Қоғамдық кеңес мүшелері мен шақырылған өкілдерден жұмыс тобы құрылды.
Ағымдағы жылдың 18 қыркүйегінде жұмыс тобы Державин қаласында, сондай-ақ Гастелло және Пригородное ауылдарында орналасқан сумен жабдықтау нысандарына көшпелі тексеру жүргізді.
Жұмыс тобының құрамына Қоғамдық кеңестің төрағасы Д. Шәкіров, Қоғамдық кеңестің мүшесі В. Мовсисян, аудандық мәслихат төрағасы А. Әльжанов, Державин қаласы әкімінің міндетін атқарушы А. Сүлейменов, Гастелло ауылының әкімі А. Сайдаллина, Пригородное ауылының бас маманы Г. Имишева, «Сәулет және қала құрылысы бөлімі» ММ басшысы С. Макрдумян, «ТКШ, ТҮК, АЖ және И» бөлімі ММ бас маманы Т. Төлеген, «Коммунсервис» ШЖҚ МКК директорының міндетін атқарушы Н. Елемесов, сондай-ақ бұқаралық ақпарат құралдарының өкілдері кірді.
Көшпелі іс-шара барысында сумен жабдықтау нысандары мен оларға іргелес аумақтардың жағдайы қаралып, олардың санитариялық-гигиеналық жай-күйіне және ауызсу сапасына қатысты мәселелер зерделенді.
Тексеру қорытындысы бойынша анықталған мәселелер жинақталып, тиісті ұсынымдар әзірлеу үшін Қоғамдық кеңестің отырысында қаралатын болады.

Фото

Previous Next